陳漢記 (Closed)

原來晏晝冇煲仔飯架，咁唯有叫粉麵腸粉，但係質素強差人意。服務半好半壞，落單嘅男人亂咁落單，叫特餐冇落特餐，叫走蠔油冇走蠔油，反而上菜嘅女侍應好有禮貌，對我嚟講喺茶記係好少見。*特餐 (叉燒湯意粉、炒蛋、多士) $42叉燒湯意係茶記classic！叉燒望落好似乾柴，但其實叉燒嫩又唔乾，少少鹹，意粉少少韌、滑捋捋，整體係唔錯。炒蛋普通，唔會太乾，但冇蛋香。多士薄過紙，所以烘完乾到🙄鮮靚墨魚丸麵 $34墨魚丸係來貨，普普通通。麵底份量正常。叉燒腸粉 $26叉燒同特餐一樣，質素唔錯，肉質嫩，但腸粉本身就好難食，質地好粉好似漿糊，食落去係一pat一pat咁，太可怕🥺而且完全包唔住入面嘅叉燒。