洪記餃子雲吞糖水

Open Now

Now Closed

聽住大埔朋友說有間食粢飯的勁多人排隊，今天忍唔住都排埋一份，都想了解下點解咁受歡迎。店鋪主打粢飯，其次係煎餃，跟住係各款甜品。粢飯25蚊一件，如果跟餐就連一支豆漿，30元。粢飯大大件，內裡有條脆卜卜的油炸鬼同埋惹味榨菜，口感相當豐富，暫時係見過的粢飯最大size的。煎茜餃都不俗，皮薄餡料足，煎到金黃香脆，沒有油膩之感，愈吃愈滋味。呢個甜品綜合芋圓燒仙草 ($40) 真係大大兜，足料各式芋圓、紅豆、仙草混在一起，絕對係台式古早味道，芋圓夠Q夠彈牙，仙草滑嫩，甜度適中，值得一讚係佢的器皿質感厚重密度高，蓋都有兩隻，相信成本都唔低。