新記煲仔雞粥 (Closed)

呢間老字號粥鋪已經係元朗又新街屹立多年 住元朗咁耐一直都無留意到呢個寶藏 試過一次之後就變成飯堂(定應該叫粥堂呢😆) 有種相逢恨晚既感覺先講招牌既貴妃雞粥 雞油令到本身已經綿滑既粥底更添風味 每啖都有淡淡雞油香 好邪惡 仲可以雙拼其他餸 例如蠔仔 豬肝等 材料俾得慷慨 食到底都仲啖啖有料除左粥之外 呢到既炸野更加邪惡 特別推介炸魷魚鬚同炸大腸 前者炸漿夠薄 外皮香脆 內裡唔靭 後者處理得當 無異味但保留左裡面既肥膏其他炒粉麵都好有鑊氣 見到佢而家愈黎愈多分店 諗唔到食咩既時候又可以食佢