邁爵斯 (福華街)

Open Now

Now Closed

Majesty係我食過份量最大但價錢最平既西餐廳🍴絕對係糧尾飯堂！🍝白酒蜆意粉 $42份量多到嚇親我，絕對夠哂兩個人食。味道方面，意粉煮得啱啱好，有嚼勁又唔會過於軟爛，口感唔錯，蜆肉都好足料，十分推薦試試!🥐煙肉芝士火腿牛角酥 $32 試咗個煙肉火腿牛角酥，真係好好食！酥皮超脆，一口咬落去好滿足嘅口感。建議都係兩個人share，份量都係超足！🍚松露雜菌意大利飯 $65相對之下意大利飯有啲普通，且不太入味，可能飯粒同菌類嘅結合唔夠均勻，味道有啲平淡，如果你期望係濃郁味道嘅risotto，你可能會有啲失望啦！🥤水蜜桃荔枝梳打 $28水蜜桃同荔枝嘅結合實在太特別，超fresh既感覺，又可以解渴。唯一美中不足既位，如果餐廳可以提供埋餐湯就好了，西餐要配埋餐湯🍲。