Video
Read full review
2021-10-31
4514 views
真係long long time冇品嚐北京填鴨, 見啲為食友post金公館嘅北京填鴨食物相片, 排場同賣相又真係幾吸睛, 成就咗今晚嘅happy gathering。食店傳統中餐裝潢, 除咗卡座, 仲有包房供選擇。二人套餐包半隻北京填鴨、杏仁白肺湯, 共七樣食物, 只需$438, 仲使諗? 梗係食二人餐啦。餐牌都以傳統中式菜色為主, 門面及餐廳裝修好似幾high 咁, 估唔到價錢又幾相宜。雞絲粉皮煙韌彈牙粉皮夾撈埋酸香芝麻醬及雞絲伴食, 好開胃的一個前菜。青城山杏汁白肺湯非常足料的白肺湯, 湯料有雙白菜、杏汁、大量豬肺、瘦肉、雞腳及金華火腿。湯頭入口很甜很濃, 杏汁味道唔強, 白肺湯以金華火腿提升湯嘅鹹鮮, 所以飲完唔口渴。火候十足, 雞腳煲到連骨都化埋, 入口滑捋捋, 充滿骨膠原。烤北京填鴨今晚是為它而來的, 係咪好有排埸呢。烤北京填鴨配菜有青瓜條、哈密瓜條、西芹及京蔥, 金公館嘅北京填鴨醬比較特別, 除咗最傳統嘅黑色填鴨醬外, 還加3種特別配醬, 桂花甜醬、酸辣醬及胡麻醬。北京填鴨烤得金黃脆口, 先來薄薄一片烤鴨皮, 入口脆脆的, 很香口, 最正係廚師已經將皮下脂肪全部清走, 皮
食店傳統中餐裝潢, 除咗卡座, 仲有包房供選擇。
二人套餐包半隻北京填鴨、杏仁白肺湯, 共七樣食物, 只需$438, 仲使諗? 梗係食二人餐啦。
餐牌都以傳統中式菜色為主, 門面及餐廳裝修好似幾high 咁, 估唔到價錢又幾相宜。
雞絲粉皮
煙韌彈牙粉皮夾撈埋酸香芝麻醬及雞絲伴食, 好開胃的一個前菜。
青城山杏汁白肺湯
非常足料的白肺湯, 湯料有雙白菜、杏汁、大量豬肺、瘦肉、雞腳及金華火腿。
湯頭入口很甜很濃, 杏汁味道唔強, 白肺湯以金華火腿提升湯嘅鹹鮮, 所以飲完唔口渴。
火候十足, 雞腳煲到連骨都化埋, 入口滑捋捋, 充滿骨膠原。
烤北京填鴨
今晚是為它而來的, 係咪好有排埸呢。
烤北京填鴨配菜有青瓜條、哈密瓜條、西芹及京蔥, 金公館嘅北京填鴨醬比較特別, 除咗最傳統嘅黑色填鴨醬外, 還加3種特別配醬, 桂花甜醬、酸辣醬及胡麻醬。
北京填鴨烤得金黃脆口, 先來薄薄一片烤鴨皮, 入口脆脆的, 很香口, 最正係廚師已經將皮下脂肪全部清走, 皮肉分離, 食多幾片都唔會有太大的罪惡感呢
皮下脂肪拜拜
傳統食法將鴨皮, 鴨肉及所有配料放在蒸粉皮上, 淋上醬汁, 包好便可大啖食, 口感及味道皆豐富, 四種醬中, 傳統黑色烤鴨醬始終最匹配, 其次係清香桂花醬, 跟住係有少許味道似泰式的甜酸醬。
靈芝菇炒萵筍絲
萵筍就咁切絲清炒原來都幾好食, 青綠脆口, 又可以食到萵筍嘅獨特菜味。
咕嚕蝦球
咕嚕蝦球比咕嚕肉較健康, 蝦球啖啖肉又脆口, 甜甜酸酸, 超好餸飯的。
京式小籠包
熱辣辣上枱, 皮是薄的, 小籠包汁都算多, 略嫌唔夠肉鮮味。
桂花糕
特濃桂花香, 清香爽口, 同平時飲茶酒樓嗰啲冇乜桂花味即貨色, 超出好多班, 好食。
佢哋嘅二人餐真係堅抵食, 以為二人餐樣樣都細細碟, 的的骰骰, 初時仲擔心食唔飽, 實質佢哋既二人餐碟頭足夠4人份量, 取價公道, 味道又唔錯, 環境又坐得舒服, 絕對可以翻兜的一間食店。
Post
