Accro Coffee (Moved) New Location

新界西喜歡咖啡嘅朋友有福了！因為世界級咖啡就係你附近。千里馬要有伯樂嘅欣賞，同樣好嘅咖啡豆都係需要好嘅咖啡師黎沖調先可以發揮都佢真正味道。呢到嘅咖啡師利用佢地專業熟練嘅技巧去煮出每種咖啡豆嘅獨特風味。來自埃塞俄比亞嘅耶加雪夫咖啡本身就帶有花香味，而水法處理法更係為咖啡豆帶出清新明亮嘅酸味。精品咖啡menu上嘅選擇會久唔久轉下，至於點轉就要視乎個段時間老闆會入啲咩咖啡豆。危地馬拉咖啡係個人比較喜愛嘅一種咖啡，因為口感輕身，有淡淡嘅草本味，酸味唔會好似肯亞咖啡咁突出，算係比較容易入口嘅一種咖啡，對初嘗精品啡友黎講都係一個唔錯嘅選擇去打開咖啡之門。New York  cheesecake 味道不過不失，芝士味濃郁，但略嫌餅底做得唔夠實，食起上黎就要小心餅碎散晒。