東京アグラ (Closed)

最近灣仔開咗好多新嘅日式拉麵店，作為半個灣仔居民同一個拉麵痴，唔去試吓真係對唔住自己。今次就揀咗係屋企附近嘅拉麵店，東京。係屋企行兩步去到麥加力歌街，就見到呢間新開嘅拉麵鋪。鋪面裝修同出面嘅拉麵店差唔多，不過高樓底，坐係鋪頭入面空間感都幾重，不過冷氣機滴水，係呢間新餐廳嘅唯一敗筆。睇返餐牌，其實拉麵鋪主要有兩種湯底，一種係醬油，一種係豬骨。而且分別有拉麵同埋沾麺兩種選擇。試咗個特及醬油拉麵。相比起出面嘅湯底，呢度嘅湯底多左一陣小魚乾嘅味道。香濃嘅醬油加上小魚乾嘅味道，真係別有一番鮮甜。同行嘅朋友就食咗沾麵，同拉麵唔同嘅，湯另一種檸檬味，食十分新鮮。呢次拉麵之行相當滿意，味道唔係差，不過個感覺唔同，如果魂拉麵比我嘅感覺係精品，東京就有一種家庭式嘅感覺。有一種溫暖。