叁不館

Open Now

Now Closed

剛剛開學可以兩口子出黎食餐好野， 去左天后樹林銀座叁不管打個邊爐， 餐廳主打港式火鍋， 重播住懷舊金曲，一切美好回憶都返哂黎。咯咯雞花膠湯底 - 先飲頭啖湯， 清香鮮甜， 骨膠味濃， 花膠， 雞件又大又滑， 直頭可以當湯飲。黑安格斯牛板腱 - 又係大大塊， 厚切， 入口牛肉味香濃， 脂肪分布均勻， 油脂甘香， 好味。鮮蝦雲吞， 韮菜餃 - 材料豐富， 鮮蝦爽口彈牙， 韮菜餃菜味香甜。鮮墨魚滑 - 墨魚滑外舖滿蟹籽， 入口卜卜聲， 墨魚滑新鮮彈牙。桂花蚌 - 呢個非常精彩， 快快滾一滾， 一硬身就可以入口， 爽脆香甜。新鮮鴨血 - 8 件厚切鴨血， 又大又滑。南非鮑魚 - 海鮮味香甜， 爽口彈牙。