傷心酸辣粉 (西洋菜南街) (Closed)

成日聽朋友講傷心酸辣粉唔錯，但開左咁耐我一次都未試過，今日同朋友去開旺角行街，咁啱佢又未試過，就決定入去試下！估唔到原來都幾多野食揀，小食都有好多選擇！由於我地放工真係好肚餓，樣樣都好想試，所以都叫左三個小食加兩個麵！我地叫左口水雞(下例)，無估錯應該係脾位，佢有分BB辣、小辣、中辣、大辣！我同朋友都食得辣，但始終第一次，所以都係叫左小辣試下先！脾位果然好滑，而且辣既程度係接受到既，夠麻夠辣，下次可以再挑戰中辣！呢個鮮椒爽脆生腸應該係做緊推廣，見佢係另外分開一個餐牌賣相好吸引，而且又係冷盤，所以都試下！生腸食落好爽口，麻辣度適中，雖然好夠蒜頭同辣椒好重口味，但食落真係停唔到！黃金花枝丸係我至愛，每逢見到餐牌有一定會叫，呢次都唔例外！剛上枱食第一粒真係好熱好脆，裡面亦好彈牙！食咁多肉當然都要叫碟菜去平衡下，生菜好新鮮，我唔太食蠔油，問左侍應原來可以分開上都幾貼心！朋友叫左碗麻辣小辣紅薯粉，有羅白、牛展、豬手片、芝士豆腐四個餸，辣度可以接受，但朋友因爲太食得辣既關係，佢話下次會挑戰大辣！牛展同豬手片都好入味，芝士豆腐好軟，但羅白反而有點淡！今日太想食凍野，所以連麵都要叫涼拌既！呢個手撕雞冷