Video
Read full review
2023-10-13
29 views
佐敦新開居酒屋，性價比極高，絕對值得encore。有唔同嘅combo set，今日我地嗌左兩個唔同嘅餐，再互相分享。$780餐包括沙律/刺身4點/壽司12件/燒吞拿魚下顎/湯/甜品/生啤一杯。$450餐包括沙律/刺身3點/壽司10件/甜品/非酒精飲品一杯。✨水母飛魚子野菜沙律透明水母有啲似啫喱，滑嘟嘟又帶點爽口。加上爽脆飛魚子，口感豐富。酸酸地好開胃。✨刺身 - 油甘/帆立貝/海膽魷魚卷/中拖/鮟鱇魚肝。廚師會介紹建議食嘅順序，由淺色到深色，由味淡到味濃，更能品嚐箇中味道。好鐘意超肥美中拖羅；雪白彈牙魷魚包住鮮味海膽嘅海膽魷魚卷亦好有驚喜🙌🏻✨香箱蟹 香箱蟹出名鮮味出眾，滿滿嘅蟹肉且同蟹籽放係蟹蓋上，已經好吸晴😍鮮味更加唔使講🤤蘸上土佐醋更美味。✨鮑魚蒸蛋滑嘟嘟嘅蒸蛋舖滿蟹肉，加上鮑魚加持，鮮味十足。✨汁燒白子 口感綿密柔滑，帶有乳狀口感，味道好濃郁。✨柚子蘿蔔漬物以為好簡單嘅菜色但勁好味，清新又爽口。✨壽司 - 八角魚/喜之次/甜蝦赤蝦/吞拿魚腦天/赤身/筋子/火炙銀鱈魚/大拖羅/中拖羅/海膽/蝶魚魚邊。款款都鮮味十足好吸引🥹尤其鐘意 -💕甜蝦赤蝦壽司- 賣相勁靚，除左甜蝦赤蝦仲有蝦
$780餐包括沙律/刺身4點/壽司12件/燒吞拿魚下顎/湯/甜品/生啤一杯。
$450餐包括沙律/刺身3點/壽司10件/甜品/非酒精飲品一杯。
✨水母飛魚子野菜沙律
透明水母有啲似啫喱，滑嘟嘟又帶點爽口。加上爽脆飛魚子，口感豐富。酸酸地好開胃。
✨刺身 - 油甘/帆立貝/海膽魷魚卷/中拖/鮟鱇魚肝。廚師會介紹建議食嘅順序，由淺色到深色，由味淡到味濃，更能品嚐箇中味道。好鐘意超肥美中拖羅；雪白彈牙魷魚包住鮮味海膽嘅海膽魷魚卷亦好有驚喜🙌🏻
✨香箱蟹
香箱蟹出名鮮味出眾，滿滿嘅蟹肉且同蟹籽放係蟹蓋上，已經好吸晴😍鮮味更加唔使講🤤蘸上土佐醋更美味。
✨鮑魚蒸蛋
滑嘟嘟嘅蒸蛋舖滿蟹肉，加上鮑魚加持，鮮味十足。
✨汁燒白子
口感綿密柔滑，帶有乳狀口感，味道好濃郁。
✨柚子蘿蔔漬物
以為好簡單嘅菜色但勁好味，清新又爽口。
✨壽司 - 八角魚/喜之次/甜蝦赤蝦/吞拿魚腦天/赤身/筋子/火炙銀鱈魚/大拖羅/中拖羅/海膽/蝶魚魚邊。款款都鮮味十足好吸引🥹尤其鐘意 -
💕甜蝦赤蝦壽司- 賣相勁靚，除左甜蝦赤蝦仲有蝦膏同芝麻，完全唔需要蘸豉油。外層係大豆紫菜。整體有少許黏口同煙韌感
💕吞拿魚腦天壽司 - 筋少脂肪多，口感好柔滑，魚味香濃。加埋片蒜片，美味🥹
💕筋子壽司- 粒粒飽滿，口感爽彈，咬落有爆漿感
💕火炙銀鱈魚壽司- 炙燒後魚油非常香，卻不膩口
💕海膽壽司 - 會唔會太吸晴😍海膽加上三文魚籽，加上昆布外皮，鮮味充滿整個口腔🥹
💕火炙鰈魚裙邊壽司 - 火炙烤後油脂迫哂出黎，口感帶微軟糯感，好味到暈🤤
燒物 -
✨燒吞拿魚下顎 - 大愛💜外層焦脆，內裡軟嫩熱辣辣，超香口。加少少檸檬汁，高質🙌🏻
✨額外加左燒豬肉露筍卷同燒白鱔。白鱔燒得好出色，色澤又靚，最重要保持到一面嫩滑一面脆身。
最後食埋個芝麻/綠茶/芝士雪糕，大滿足🙌🏻
Post
