Video
Read full review
2019-05-24
891 views
呢排做嘢真係好辛苦， 差唔多又到出糧嘅時候，就梗係要食番餐好嘅填補下心靈嘅空虛 ，一於食我最鍾意嘅日本嘢啦！嚟到呢一間店位於尖沙咀天文台道嘅花木，環境非常之舒服 ，而且靜靜地好啱同朋友傾計，一於約埋朋友一齊嚟食飯。首先叫咗個御前盛盒， 淨係擺盤已經非常之靚，有一個迷你蟹肉丼飯，一件中拖羅同白身魚壽司， 睇見都流曬口水，由其是蟹肉丼飯上面擺咗唔少海膽，非常鮮甜。而且飯撈埋結實清甜嘅蟹肉，非常開胃，中拖羅新鮮之餘，亦食到應有嘅油份，不過當然無大拖羅咁肥美啦，但亦相當唔錯。呢度嘅天婦羅盛， 同樣都擺得非常靚，不過有姿勢之餘，亦有實際，每件天婦羅都炸得香脆可口，粉漿薄得嚟，但係又唔會油膩，尤其是大蝦天婦羅，蝦肉爽口之餘，亦相當多汁。跟住我哋仲嗌咗兩客壽司， 聽聞呢度嘅黑松露鰻魚卷都好出色，見到唔少人都推介就知啦， 鰻魚肥美多汁，而且好厚肉， 加上上面嘅黑松露作為點綴 ，真係好香口。另外仲叫咗一個牛油果彩虹卷， 用咗三文魚吞拿魚同白身魚夾雜砌成，一件件嘅彩虹卷擺上豐厚嘅牛油果蓉，都幾清新， 淨係賣相都已經抵讚。跟住係今晚嘅主角，炎燒六式珍珠蠔 ， 一層層嘅樓梯咁嘅擺盤非常之“打卡able”， 擺
嚟到呢一間店位於尖沙咀天文台道嘅花木，環境非常之舒服 ，而且靜靜地好啱同朋友傾計，一於約埋朋友一齊嚟食飯。
首先叫咗個御前盛盒， 淨係擺盤已經非常之靚，有一個迷你蟹肉丼飯，一件中拖羅同白身魚壽司， 睇見都流曬口水，由其是蟹肉丼飯上面擺咗唔少海膽，非常鮮甜。
而且飯撈埋結實清甜嘅蟹肉，非常開胃，中拖羅新鮮之餘，亦食到應有嘅油份，不過當然無大拖羅咁肥美啦，但亦相當唔錯。
呢度嘅天婦羅盛， 同樣都擺得非常靚，不過有姿勢之餘，亦有實際，每件天婦羅都炸得香脆可口，粉漿薄得嚟，但係又唔會油膩，尤其是大蝦天婦羅，蝦肉爽口之餘，亦相當多汁。
跟住我哋仲嗌咗兩客壽司， 聽聞呢度嘅黑松露鰻魚卷都好出色，見到唔少人都推介就知啦， 鰻魚肥美多汁，而且好厚肉， 加上上面嘅黑松露作為點綴 ，真係好香口。
另外仲叫咗一個牛油果彩虹卷， 用咗三文魚吞拿魚同白身魚夾雜砌成，一件件嘅彩虹卷擺上豐厚嘅牛油果蓉，都幾清新， 淨係賣相都已經抵讚。
跟住係今晚嘅主角，炎燒六式珍珠蠔 ， 一層層嘅樓梯咁嘅擺盤非常之“打卡able”， 擺得相當吸睛， 有六種唔同煮法，分別係蒜蓉、清酒、昆布湯、海膽芝士醬燒、芝士煙肉、同埋天婦羅， 一次過可以享受到六種唔同嘅食法， 咁就可以試多幾款 。
尤其係推介海膽芝士醬燒同昆布湯煮，鍾意食蠔嘅朋友絕對唔可以錯過，燒得非常香口，蠔肉多汁鮮味，正呀！
串燒盛盒都同樣吸引， 有八款唔同嘅串燒，例如鵪鶉蛋、牛柳粒、雞翼、大蔥、雞腎等等，都非常香口惹味，不過我最鍾意嘅係牛柳粒，牛肉多汁，肉味香濃，好適合送酒。可惜聽日要返工，如果唔係一定要叫清酒配串燒嚟食。
兩個人叫咗咁多嘢，都係大約每人500蚊多啲，但係就食到咁高質嘅日本料理， 價錢都算合理，而且環境都幾舒服，可以再嚟食。
Post
