凱薈

Open Now

Now Closed

朋友飯聚首選要地點方便，今日就揀咗係「The One」17樓嘅凱薈，除咗方便仲有靚景添！我哋四位女士，只係食餸唔食飯，廢事為咗食餐飯又要努力去減磅！😜😜🥢花彫乳鴿（壹隻）-好入味，如果乳鴿可以再腍一點就更好！🥢金牌燒腩仔(小食）- 燒腩仔皮脆肉嫩，真的不錯！👍👍🥢姬松茸燉螺頭湯 - 湯料好豐富，熱辣辣，好鮮甜🥢招牌宫爆大蝦球（例) - 蝦球炸得金黃酥脆，蝦肉彈牙爽口，周邊嘅皮蛋也好好味，千祈唔好以為只是用來作伴菜！☺️☺️🥢有米薑蔥桶蠔（例）- 啲蠔超級大隻！🥢生煎排骨（例) - 有別一般的做法，將排骨同菠蘿分開，菠蘿係用新鮮菠蘿，咕嚕肉炸得剛剛好，肉不會變「嚡熠熠」。🥢啫啫唐生菜瞻（例）- 侍應在我們面前將差不多煮好的唐生菜放入窩中再炒，更加有「鑊」氣！唯一美中不足之處是無糖水送，感覺未夠完滿！