Latter Cafe

Open Now

Now Closed

去完灣仔會展睇展覽, 喺附近餐廳食個午餐。時近聖誕, 餐廳門口已陳列節日裝飾。 latter cafe 以白色為主調, 室內木系傢俬, 簡單清潔。泡菜大蝦蟹籽辣扁意粉橙黃色蟹籽鋪滿意粉表面, 虎蝦大隻又爽口, 泡菜辣辣好惹味, 彈牙嘅扁意粉掛滿脆卜卜蟹籽, 口感好豐富。香煎帶子明太子扁意粉帶子嫩滑肉厚, 鹹香鮮味嘅明太子配合幼滑忌廉, 加上洋蔥和蒜蓉, 提升味道層次, 令意粉更加順滑。士多啤梨奶油抹茶色彩好鮮艷, 以粉紅色花朵鋪在飲品表面, 上層是粉紅色,下層是草綠色抹茶, 順滑中帶點甜蜜。開心果士多啤梨奶聖誕節限定飲品, 賣相精緻, 飲品表面是彩色糖粒, 上層是綠色開心果蓉, 下面是士多啤梨奶, 突顯聖誕色彩, 口感幼滑帶果香, 輕甜細膩。甜品是伯爵茶芝士蛋糕, 奶香微甜, 伯爵茶味濃郁。