Video
Read full review
2019-08-20
400 views
難得約到一班好友聚舊，緊係要食下啲好野，我有個尖沙咀做野既fd就提議不如去呢間北京菜館，因為成日經過都冇機會去試下，我地咁為食當然樂意奉陪。我地星期三八點去到都坐滿哂人，但空間夠大完全唔覺得迫，仲有維港夜景睇，環境景觀絕對一流。我地一坐低店員就送上一壺茶，等我地可以慢慢歎住咁揀野食。我地一黎先叫左個鎮店烤鴨（其實book臺果陣就已經即刻預訂左），加埋店員推介既脆皮豬手同埋水煮魚，之後我地再另外叫多左幾個小菜。烤鴨好快就送到，睇黎真係鎮店之寶，每臺差唔多都有一隻，而且數量都準備左不少所以預訂左坐低即有。烤鴨黎到先有師父表演即席片皮，仲有分唔同既部位同厚度，之後店員解說點樣食係最好食。我地都係宜家先知原本食片皮鴨可以食得咁講究，每個部位有唔同食法。先食鴨胸皮，超級脆，好似食緊乳豬皮咁，而且更鬆化同香，配埋專用爆炸糖真係脆上加脆，口感一流。鴨胸肉就傳統方法食，用餅皮包住肉配京葱同青瓜，冇得頂！鴨腿肉就用新派方法配山楂條同紫洋葱卷住食，好似食緊甜品咁。之後黎既避風塘脆皮豬手一樣比到驚喜。平時食緊豬手一係太肥一係好柴，有時仲會過咸，但呢個唔單止皮脆，入面仲好滑同入味，脂肪同肉既比例岩岩好，加埋避
我地一坐低店員就送上一壺茶，等我地可以慢慢歎住咁揀野食。我地一黎先叫左個鎮店烤鴨（其實book臺果陣就已經即刻預訂左），加埋店員推介既脆皮豬手同埋水煮魚，之後我地再另外叫多左幾個小菜。
烤鴨好快就送到，睇黎真係鎮店之寶，每臺差唔多都有一隻，而且數量都準備左不少所以預訂左坐低即有。烤鴨黎到先有師父表演即席片皮，仲有分唔同既部位同厚度，之後店員解說點樣食係最好食。我地都係宜家先知原本食片皮鴨可以食得咁講究，每個部位有唔同食法。先食鴨胸皮，超級脆，好似食緊乳豬皮咁，而且更鬆化同香，配埋專用爆炸糖真係脆上加脆，口感一流。鴨胸肉就傳統方法食，用餅皮包住肉配京葱同青瓜，冇得頂！鴨腿肉就用新派方法配山楂條同紫洋葱卷住食，好似食緊甜品咁。
之後黎既避風塘脆皮豬手一樣比到驚喜。平時食緊豬手一係太肥一係好柴，有時仲會過咸，但呢個唔單止皮脆，入面仲好滑同入味，脂肪同肉既比例岩岩好，加埋避風塘炸蒜，讚！
再黎四川水煮魚，我地揀左桂花魚，肉質唔錯，鮮美嫩滑，個湯底少許麻辣，加埋萵筍粉皮芽菜等配菜，辣得過足癮。如果驚太辣可以叫少辣。
小菜方面我地叫左個金銀蛋浸萵筍清清肚皮，仲有桂花馬蹄同埋麻辣海蜇頭，味道都唔錯。要再推薦係張氏獅子頭，雖然份量較小（每位計），但獅子頭非常入味，濃而不膩，配埋小小碗白飯岩岩好。
最後我地食埋個北京甜品驢打滾，豆白餡甜，結束左呢晚完美既一餐
值得大大力推
烤鴨
34 views
0 likes
0 comments
16 views
0 likes
0 comments
25 views
0 likes
0 comments
避風塘脆皮豬手
31 views
0 likes
0 comments
四川水煮魚
25 views
0 likes
0 comments
張氏獅子頭
24 views
0 likes
0 comments
Post
