霜月居酒屋

Open Now

Now Closed

佐敦靚靚新居酒屋🏮距離地鐵站2分鐘就到非常方便，入邊座位唔算多，但係非常企理，牆壁仲有好多日式掛畫，整體感覺都好舒服。酒盜芝士 $68個名咁得意，一於試吓先，原來係一啲魚腸魚內臟漬物，鹹香味道強烈用嚟酒就岩曬，加上芝士同埋梳打餅做餐前小食就好啱。霜月刺身五點盛 $238有三文魚、油甘魚、甜蝦、帶子同埋魷魚👍🏻😳帶子超級有驚喜，軟滑得黎鮮甜味香濃，好甜！三文魚同油甘魚都比較厚身，魚味香濃。霜月卷 $188超級靚👍🏻卷物上面鋪滿海膽、吞拿魚蓉、三文魚籽，全部都鮮味十足，面頭仲有啲大蔥絲同金箔做點綴，非常之靚！系三文魚籽粒粒都脆卜卜通透飽滿，嗰卷食完之後好飽~明太子玉子燒 $48熱辣辣甜甜地嘅玉子蛋，上面有鹹香明太子醬，非常之好食，而且暖胃。鰻魚$32兩件大大件，魚肉有少少咬口，配埋甜甜地嘅燒汁好吸引😊劍魚腩 $32主要食劍魚嗰種爽口感覺，劍魚腩非常之厚身，油脂豐富。穴子$38穴子超大條，醬汁份量剛剛好，上面仲有啲七色芝麻做裝飾成個感覺都好靚，肉質軟甜甜地好鍾意。