Will's Coffee (Closed)

開左學朝朝晨咁早湊阿女返學仲有好多時間先返工，太早起身又需要一杯回魂咖啡，就黎左呢間Coffee House, 佢麻雀雖小，五臟俱全，呢度主要提供唔同既咖啡，想飲特色d既咖啡呢度都會有，食物同飲品都係以健康出發，少甜為主。我叫左熱既岩鹽焦糖拿鐵同埋香蒜雜菌煙鴨胸意粉外賣返公司食，佢係即叫即整，新鮮熱辣。岩鹽焦糖拿鐵-咖啡睇住佢即磨即沖，牛奶係用Meiji4.3 deluxe milk, 香濃幼滑，好飲。香蒜雜菌煙鴨胸意粉-排得好靚，意粉軟硬度適中，味道剛剛好，攞返公司途中都聞到好香，份量都多，都幾大盒抵食。