尚夢・茳煳 (Closed)

在譚臣道口，都幾易見到，佢哋嘅座位安排似西餐，好啱2-3人嚟食，原來佢哋裝修完無耐，所以整體算寬躺。先點了是日燉湯，佢哋安排幾細心，用一個火坐住燉湯，溫度保持得好熱，係冬天飲湯，熱辣辣真係好重要，而燉湯材料豐富，煲湯嘅肉都好淋身。香煎龍躉球，煎得外皮少少脆，上面嘅蒜粒炒得香口，應該係豉油煎，味道平衡，龍躉肉夠高質，食到少少油鮨感，但有唔會感覺好肥膩。而佢哋皇牌菜式紅燒牛臉肉係必點之一，炸得外脆內軟，牛臉肉好淋好軟身，牛肉味好濃。桂花鹹魚蓉炒米粉，米粉炒得好乾身，食落有少少脆口。