祥利車仔麵 (西洋菜南街) (Closed)

就算疫情放寬限制，自己都會搵啲感覺上較衛生既餐廳食。尋晚放工去旺角附近隨機搵野食，被呢間走木系路線既餐廳吸引住😍店鋪以白色、木色為主🪵，格局簡潔利落，除左必須既透明隔板，枱面冇擺放其他野。菜單同點菜筆放係枱旁抽屜裡面，餐具由店員與食物同時送上，感覺非常乾淨衛生✨店員好友善咁介紹餐廳老闆由日本學師後回流香港🇭🇰，繼而推出九格定食，以港式配菜配搭日式文化之中🎌九格定食賣相非常精緻， 九格裡面各有一個小碗，擺放不同款式既港式配菜，讓香港、日本文化融合得宜又沒有違和感🧡✦ 花膠湯🥣：有餐廳主打既原塊花膠，滋補又養顏。花膠彈牙且厚身，花膠湯濃郁，好有膠質✦ 蠔皇花菇：花菇既蠔油好入味，口感好軟焾，帶有少少甜醋味，食落有驚喜🥳✦ 豬手🐗：另一骨膠原推介，豬手以薑烹調，豬皮同豬骨都有淡淡薑味✦ 蘿蔔：味道清甜，亦令整個九格顏色更豐富✦ 醉雞翼：酒味幾濃，雞翼開半醃製令肉質入味又保持嫩滑👍🏻✦豬軟骨：豬肉質感軟焾，連埋軟骨一齊食，咬軟骨既感覺真係好爽🤩✦ 炸魚柳🐟：魚柳新鮮炸起，香脆軟熟，冇魚腥味，亦冇油膩感✦ 秋葵：味道正常，純粹令整體配搭顏色豐富✦ 溏心蛋🥚：原隻雞蛋，蛋黃流心，以醬油醃得好入味！