上岸料理 (Closed)

出咗糧口痕就想食好啲😆！雖然價目牌上嘅刺身飯大約$145-$160不等，但去嘅時候晏晝一點多啲都爆滿需要等，估計質量都應該有返咁上下😳。同同事一人叫一個池魚王他他丼同一個四式丼。前菜有新鮮沙律(1)同炆過嘅牛脷(2)同日式蒸蛋(1)。蒸蛋底下仲有幾粒爽口彈牙嘅蝦添！而主食方面，日池魚唔會覺得佢有特別味道，比較清，唔會有腥味；而四式丼就有海膽、三文魚籽、蒽吞拿魚腩同蟹肉，口感比較豐富，當然味道相對之下就偏重少少，值得一讚係海膽好新鮮😋！麵豉湯都唔錯。而比較有驚喜，當然係杏仁豆腐😍，杏味唔算特別濃，口感做到好似布甸咁！上面仲有兩片士多啤梨🍓，好似好唔夾咁，但望落靚靚好和諧！總結，每一樣嘢都好精緻，份量唔算多，但樣樣加埋就剛剛好😚！又一餐。