饗11 (Closed)

精緻日式西餐時代廣場上面有間不錯嘅西日式餐廳，有鐵板燒，又有魚生壽司，連西餐都有，好特別。今日先試一試西餐，叫左lunch set，有10款選擇，我就叫左個牛小排，朋友叫左個羊架。先嚟一個精選廚師沙律，有無花果、沙律菜、珍珠茄、青瓜同水牛芝士，味道清新，芝士香濃。再黎一個酥皮焗龍蝦湯，香濃順喉，又有龍蝦肉粒，足料又夠熱。主菜香烤美國牛小排，烤得皮焦肉嫩，外皮香香脆脆，內裏肉質嫩滑，有牛味，肥瘦適中，入口即化，回味無窮。吃得滿足之際，甜品就來了。藍莓芝士蛋糕及檸檬雪葩。芝士蛋糕香濃軟滑，檸檬雪葩清新醒神。歎埋餐茶，又是滿足的一餐。