Video
Read full review
2011-07-01
789 views
某某的生日飯。都唔記得點解揀呢到又或者俾咩吸引左黎，不過未食過，都係有興趣試試的。記得早年到杭州，係西湖既味莊食過好幾款好食既冷盤，除了大路既萬年青同醬鴨，還有係香港我唔知邊到食到既薺菜粉皮同糖核桃。對杭州菜既冷盤係有點信心，五個人都要了三個冷盤/小吃。滷鴨，這裡的鴨肉嫩滑，最好的係個味，空口食都唔會太鹹，用黎送酒好唔錯。炸響鈴，第一下太大力，一夾就散左，做得真係夠輕身，食落夠脆，不過就略為唔夠乾身，食到尾果幾舊都幾油下。萬年青，食完偏油既炸響鈴食就岩岩好，夠清新，爽爽的，個人覺得這裡做得較係杭州食到既更出色，我諗係冷凍效果既問題，這裡的做得幾好。富貴雞，個人黎講真係唔太識欣賞此物，個味簡單一句就係有荷葉味既雞。食落雞係穩陣的，夠嫩夠滑，唔會焗到乾哂水，個底部有少少汁，都叫做幾唔錯，不過真係重重既荷葉味蓋過左其他味，我不喜歡。糖醋骨，醬汁係關鍵，好多地方都做到有點兩頭唔到岸，唔係唔夠味就係偏甜，這裡的做得不錯，味濃濃，食落酸甜可口，係好好送飯的一款。炸田雞腿，純粹個人喜好，打開menu想叫黎食的，田雞腿隻隻都鬼咁大隻，真係唔知邊到黎，啖啖肉，炸粉薄薄，夠香口，係好唔錯。三鮮魚圓，主角係
記得早年到杭州，係西湖既味莊食過好幾款好食既冷盤，除了大路既萬年青同醬鴨，還有係香港我唔知邊到食到既薺菜粉皮同糖核桃。對杭州菜既冷盤係有點信心，五個人都要了三個冷盤/小吃。滷鴨，這裡的鴨肉嫩滑，最好的係個味，空口食都唔會太鹹，用黎送酒好唔錯。炸響鈴，第一下太大力，一夾就散左，做得真係夠輕身，食落夠脆，不過就略為唔夠乾身，食到尾果幾舊都幾油下。萬年青，食完偏油既炸響鈴食就岩岩好，夠清新，爽爽的，個人覺得這裡做得較係杭州食到既更出色，我諗係冷凍效果既問題，這裡的做得幾好。
富貴雞，個人黎講真係唔太識欣賞此物，個味簡單一句就係有荷葉味既雞。食落雞係穩陣的，夠嫩夠滑，唔會焗到乾哂水，個底部有少少汁，都叫做幾唔錯，不過真係重重既荷葉味蓋過左其他味，我不喜歡。
糖醋骨，醬汁係關鍵，好多地方都做到有點兩頭唔到岸，唔係唔夠味就係偏甜，這裡的做得不錯，味濃濃，食落酸甜可口，係好好送飯的一款。炸田雞腿，純粹個人喜好，打開menu想叫黎食的，田雞腿隻隻都鬼咁大隻，真係唔知邊到黎，啖啖肉，炸粉薄薄，夠香口，係好唔錯。
三鮮魚圓，主角係魚圓，異常軟熟，質感似豆腐，唯一就是帶有小小魚腥味，不過都係好食的魚圓。莧菜，清炒的，正正常常。炒年糕，年糕夠軟熟，不過個人覺得唔多夠色，同埋唔夠味，淡淡的，不過當係澱粉質既一款，都收貨架啦。
還要了點心，小籠包，這裡的普普通通，有湯汁有肉香，不過坊間唔少出色點，這裡的就顯得一般，我覺得裴翠的做得好過這裡。 生煎包，個底厚厚同埋煎得夠脆口，稍為大隻，不過肉都係大大舊，同埋都幾多肉汁，都幾好食。
擂沙湯圓，這裡跟平時食到既唔到，我都唔係好識講，煙煙韌韌的，都真係幾好味。
水準算是不錯，杭州菜個人還是喜歡冷盤多過熱盤，這裡的冷盤都真係幾好吃。每人二百四，都唔算好貴，這地方都可以一試。
Post
