皇室盛宴 (Closed)

母親大人生日，我地一家共六人訂了中環一間樓上私房菜餐廳 Royal Feast The Private Kitchen，幫母親大人慶祝！餐廳位置不難找，面對中環街市，係露台望出去好開揚好舒服！室內環境燈光昏暗，滿有情調。頭盤煎西瓜賣相精緻，從來未試過煎左既西瓜，好香，食到西瓜上有紫洋蔥，甜甜地，經煎過既西瓜比平時食既更爽口！黑松露野菌湯都唔錯，好足料，味道幾好。主菜份安格斯牛都好食，肉汁鎖緊，時間掌握得恰到好處。另外服務都好好，每出一道菜會同你介紹番每道菜，個別菜式會有不同既步驟去食，好耐心講解。生日會有特別安排，甜品臨上之前一刻係會熄燈再播生日歌，單係呢份小驚喜值得再來！