Video
Read full review
2019-08-09
531 views
今日本身係去朋友屋企食飯，點知佢話屋企突然之間有親戚嚟咗，就話不如都係出去食啦。唸咗下食咩好，中西日韓泰……我地就一致都想食西餐。*軟殼蟹蟹籽沙律*：以前食軟殼蟹壽司總會覺得油膩，食一舊仔就唔想再食。但軟殼蟹沙律就唔同，香酥的軟殼蟹配搭蔬菜再加上酸甜嘅番茄同醬汁一齊食就感覺清新好多。*龍蝦意粉*：意粉係用扁意粉，我自己就唔係特別鐘意啦，因為食慣幼身啲嘅麵。但朋友就特別鐘意食，話煮得口感適中，唔會太軟或太硬。啲醬汁我覺得都唔錯嘅，同埋有兩邊龍蝦，我地一人一啖，啱啱好夠分。配料都幾多架，仲有啲菇同蘿蔔，食落口感豐富。*炭燒美國頂級牛肋排*：呢排好耐無食牛啦，特登叫嚟過下口癮。表皮燒到焦脆，內裡肉汁飽滿，正！*鵝肝醬多士*：呢個真係一試難忘。上軟下脆的口感搭配好正，好香。仲令我唸起討論區睇過嘅一個POST，話鵝肝多士究竟食唔食多士好，有啲人話下面嘅多士係用嚟索鵝肝啲油唔會食……我就覺得食得嘅就會食，唔食好浪費。我覺得呢間小店的食物質素真係幾好，我出去食飯都係比較中意搵一啲隱秘嘅小店，我認為真正的美食都係藏身於呢啲小店之中。小店嚟講可以保證返食物質素的穩定，用心烹製的食物，食客係食得出食得出食
唸咗下食咩好，中西日韓泰……我地就一致都想食西餐。
軟殼蟹蟹籽沙律
59 views
0 likes
0 comments
*軟殼蟹蟹籽沙律*：以前食軟殼蟹壽司總會覺得油膩，食一舊仔就唔想再食。但軟殼蟹沙律就唔同，香酥的軟殼蟹配搭蔬菜再加上酸甜嘅番茄同醬汁一齊食就感覺清新好多。
龍蝦意粉
40 views
0 likes
0 comments
*龍蝦意粉*：意粉係用扁意粉，我自己就唔係特別鐘意啦，因為食慣幼身啲嘅麵。但朋友就特別鐘意食，話煮得口感適中，唔會太軟或太硬。啲醬汁我覺得都唔錯嘅，同埋有兩邊龍蝦，我地一人一啖，啱啱好夠分。配料都幾多架，仲有啲菇同蘿蔔，食落口感豐富。
*炭燒美國頂級牛肋排*：呢排好耐無食牛啦，特登叫嚟過下口癮。表皮燒到焦脆，內裡肉汁飽滿，正！
鵝肝醬多士
42 views
0 likes
0 comments
*鵝肝醬多士*：呢個真係一試難忘。上軟下脆的口感搭配好正，好香。仲令我唸起討論區睇過嘅一個POST，話鵝肝多士究竟食唔食多士好，有啲人話下面嘅多士係用嚟索鵝肝啲油唔會食……我就覺得食得嘅就會食，唔食好浪費。
我覺得呢間小店的食物質素真係幾好，我出去食飯都係比較中意搵一啲隱秘嘅小店，我認為真正的美食都係藏身於呢啲小店之中。小店嚟講可以保證返食物質素的穩定，用心烹製的食物，食客係食得出食得出食物中的誠心誠意的。
Post
