Video
Read full review
6 day(s) ago
52 views
屋企人成日聽一個朋友提起哩間餐廳，仲每個月都會食一次，佢哋心思思想試，今日帶埋我一齊去哩間餐廳。餐廳位於利舞臺廣場，近地鐵站，好方便。餐廳裝修好靚，環境舒服乾淨。咁岩今次被安排坐卡位，枱與枱中間有一定距離，通道闊落，而且樓底夠高，就算坐滿人，都唔會好嘈。精美四小拼 ($128)先叫一個小食拼盤，有四款福建傳統前菜。家鄉燜筍乾用肉汁燜嘅筍乾，好入味，淡淡咸香，唔會好濃味。九轉小腸係福建傳統手工腸套腸，一層一層做得好靚。福建筍凍睇落有啲似潮州嘅餚肉，上面有啲蒜頭辣椒碎，浸住豉油汁。水晶果凍入面包住一條條煙煙韌韌嘅嘢，當我哋討論緊係咩嚟嘅時候，職員經過聽到，介紹俾我哋知係海沙蟲。好在當時無即場上網search個樣🤣🤣蝦苗頭水紫菜水紫菜係指每年頭次採割嘅紫菜。紫菜混入蝦米同醬汁，酸酸甜甜好開胃，好適合做前菜。閩南五香卷 ($68/6粒)用豆皮包住肉餡，再去炸。外皮酥脆，食到餡入面有啲馬蹄，雖然係炸但唔會好油。不過略嫌餡料唔夠實，口感有啲削。福建特色海蠣煎 ($118)福建式煎蠔餅，蠔餅厚身，蠔粒粒大隻。但係中間多餡料嘅位比較咸。都係潮州嘅，炸到脆脆嘅好味啲😛酥炒芋芯 ($98 / 例)將芋頭切
餐廳位於利舞臺廣場，近地鐵站，好方便。
餐廳裝修好靚，環境舒服乾淨。
咁岩今次被安排坐卡位，枱與枱中間有一定距離，通道闊落，而且樓底夠高，就算坐滿人，都唔會好嘈。
精美四小拼 ($128)
先叫一個小食拼盤，有四款福建傳統前菜。
家鄉燜筍乾
用肉汁燜嘅筍乾，好入味，淡淡咸香，唔會好濃味。
九轉小腸
係福建傳統手工腸套腸，一層一層做得好靚。
福建筍凍
睇落有啲似潮州嘅餚肉，上面有啲蒜頭辣椒碎，浸住豉油汁。
水晶果凍入面包住一條條煙煙韌韌嘅嘢，當我哋討論緊係咩嚟嘅時候，職員經過聽到，介紹俾我哋知係海沙蟲。
好在當時無即場上網search個樣🤣🤣
蝦苗頭水紫菜
水紫菜係指每年頭次採割嘅紫菜。
紫菜混入蝦米同醬汁，酸酸甜甜好開胃，好適合做前菜。
閩南五香卷 ($68/6粒)
用豆皮包住肉餡，再去炸。
外皮酥脆，食到餡入面有啲馬蹄，雖然係炸但唔會好油。
不過略嫌餡料唔夠實，口感有啲削。
福建特色海蠣煎 ($118)
福建式煎蠔餅，蠔餅厚身，蠔粒粒大隻。
但係中間多餡料嘅位比較咸。
都係潮州嘅，炸到脆脆嘅好味啲😛
酥炒芋芯 ($98 / 例)
將芋頭切粒，外面包一層脆糖漿，外脆內軟，好好味👍🏻
石鍋滑豆腐 ($98 / 例)
最後，叫咗一個豆腐鍋。
其實係俾隔離枱吸引到，見到隔離枱食緊，賣相睇落唔錯，於是叫嚟試下。
豆腐有啲似玉子豆腐，好滑。
先將豆腐外皮煎香，再用茨汁煮到入味，食到有少少豆板醬嘅味道，但唔會辣。
個汁好好送飯，而且石鍋保溫，食到尾都仲係熱辣辣，好好食😋
餐廳近期做緊免費甜品優惠，只要喺大眾點評 或者 google打卡，就可以送一份甜品。
每一個客人完成打卡，就送一份。如果全枱食客都打卡的話，就每人都有一份免費甜品。
甜品可以揀 薄荷枇杷凍 或者 建蓮雪耳湯。
薄荷枇杷凍
果凍食到淡淡薄荷味，可以解膩。
上面有奇亞籽，仲有一粒枇杷，好清新。
建蓮雪耳湯
雪耳煮到好軟，入口即溶。
兩款甜品都唔會太甜，唔錯。
整個晚飯體驗都好滿意，淨係服務都滿分。
職員會主動幫我哋加水。
食緊前菜嘅時候，職員聽到我哋對菜色好有興趣，當每上一道菜都會做簡單介紹。
食物嘅味道同份量都唔錯，調味唔會太重手。
枱面上有一樽辣椒醬，唔食得辣嘅就唔好試，真係好辣🙈食五香卷嘅時候，職員話可以點辣椒醬食，唔小心落太多，好辣🙈
上網見到原來餐廳喺海外都有好多分店。
宜家即場登記做會員，仲可以有現金券，可以即刻用。
如果想搵一間坐得舒服，質素好啲嘅中菜，而價錢又唔想太貴，可以考慮試下👍🏻
Post
