天天海南雞飯 (Fashion Walk)

Open Now

Now Closed

今日啱啱同朋友喺附近睇完戲，見到係晚餐時間就行過嚟呢一邊，決定試吓天天海南雞飯，天氣咁熱食返啲東南亞野，感覺好適合！蜜瓜配上百香果汁味道酸酸甜甜，很適合開胃的小食。蝦皮素肉鬆凍豆腐呢個菜好清新，豆腐凍凍地好有口感，再加上蝦皮素肉鬆配合嘅鮮味，真係一啖難忘又醒胃！鮮大蝦冬陰公湯底好香甜，蕃茄味突出，東南亞香料味唔會太濃，大蝦好新鮮，令湯嘅味道更加豐富鮮甜！斑斕椰香鱈魚個汁好鮮甜，鱈魚肉質鬆軟，好易入口，再加上椰汁斑斕嘅香氣，令我哋快啲食哂！天天海南雞果然係招牌菜式，雞肉好滑嫩，雞味濃郁，而且煮嘅時間啱啱好。加上有三款經典醬汁，分別係甜豉油薑蓉同埋酸辣汁，真係一絕！雞油飯，油飯香滑，令人食完之後都想再黎多一碗！鴛鴦菜花用熱窩上菜可保持熱度，菜花炒得好爽口，配合香脆白飯魚仔點綴口感，令人食得好開心！特製豆腐花好滑順，豆香味道都好濃郁，係個簡單而又好味嘅尾聲之選！呢間星加坡風味既餐廳味道好，環境別緻，配合服務細心，係一個值得推介嘅米芝蓮指南餐廳！