The Dutch House Restaurant

Open Now

Now Closed

雖然去過荷蘭🇳🇱旅行，但係乜嘢係正宗荷蘭菜式就無乜概念，朋友食過尖沙咀既「The Dutch House Restaurant」推介，於是上星期六去品嘗正宗荷蘭菜，無論食物質素同餐廳環境都一流✨。因為對荷蘭菜無概念，店長非常細心介紹荷蘭菜同埋推介👍🏻，首先頭盤點荷蘭傳統青口，青口新鮮直送，非常新鮮🦪，完勝平時食既急凍青口，青口充滿海水鮮甜味✨，配搭意大利包沾滿濃郁嘅湯汁，回味無窮。而傳統白蘭地龍蝦🦞湯絕對係我品嚐過龍蝦湯中最充滿龍蝦鮮味既一次，龍蝦肉豐富，加埋膽麵包粒，非常有層次，再加埋少許白蘭地酒，更能帶出龍蝦鮮味。而主菜黑松露蘑菇雞酥餅🐓，絕對係大廚手工之作，極度香濃既黑松露蘑菇醬汁配合一絲絲嘅雞肉非常好味😋，將黑松露雞絲讓入焗得非常香脆既酥餅中間，可謂完美配搭👏🏻。最後甜品🍮焗梳乎厘配雪糕🍦，冷熱交替，非常好味。