Deer Kitchen (The Wave) (Closed)

早前經過荃灣見其分店好多人食，好奇上網一查發現原來觀塘都有。所以相約了朋友今晚來食。餐廳環境唔錯，寧靜舒適，枱與枱間距大，空間感十足。美食樣樣好味，價錢合理，回頭指數高。生蠔半打 $60法國生蠔肉質柔滑，味道鮮甜有海水味又唔腥，十蚊隻抵食。焗明太子蟹肉酥盒 $118酥皮鬆化酥脆，塞滿鮮味蟹肉和咸香明太子，一啖一件滋味滿足。特式主廚小食拼盤 $178和牛肉串大大串，肉質嫩牛味濃有肉汁，啖啖肉口感滿足。雞軟骨口感爽脆，撒了上椒鹽非常惹味。炸魷魚圈外層酥脆口感彈牙唔油膩。雞翼皮脆肉嫩，炸魚和薯角都同樣好味，基本上小食無野可挑剔。觧海膽蟹肉明太子扁意粉 $178海膽一瓣非常珍貴，味道鮮美。扁意粉口感煙靭，撈左好多蟹肉絲和明太子，好掛麵啖啖咸香味美。士多啤梨番石榴冰沙 $52海洋冰沙 $48色澤鮮艷賣相掂，味道清甜無藥水味，沙冰細滑大杯好飲。