阿來客棧雞煲火鍋 (Closed)

聽聞呢間高質雞煲嘅湯底特別好食，食材新鮮，所以今日就同朋友試下。一入店內，環境舒適，古色古香嘅裝修，加上幾幅水墨畫，非常適合一邊品嚐美食，一邊同朋友傾偈。金湯花膠瑤柱雞(半隻) $198成餐最好食就係個湯底，大大件花膠，軟滑爽口，成個湯都係骨膠原呀😆湯底有大量瑤柱杞子，再加埋嫩滑雞肉，成個湯都好鮮香。加火鍋料之前記得飲碗湯先呀😏桂花蚌(半份) $68非常新鮮，口感滑溜，熟左之後都無縮水，仲係咁大件！手打四寶丸 $52分別係鮮蝦丸、墨魚丸、牛肉丸、豬肉丸。鮮蝦丸同墨魚丸真係有大粒蝦肉同墨魚粒，提升口感鮮味。牛肉丸同豬肉丸保留鮮美肉汁，鍾意食肉嘅朋友必點！脆骨腩(半份) $48非常爽脆，新鮮唔會有魚腥味，細骨唔多，唔太識食魚嘅朋友都可以試。鮮滑牛(半份) $48肉質嫩滑，食多幾片都唔會覺得滯。鮮豬腰(半份) $42內臟除左新鮮，最緊要係要衛生。豬腰即豬嘅腎臟，店員清洗得非常乾淨，所以一啲腥味都冇👍🏻野生竹笙(半份) $56一個好味嘅湯底，梗係要叫啲吸收湯水嘅食材。竹笙嫩滑爽脆，吸引花膠雞湯嘅精華，推薦👍🏻白桃梳打 $25唔想次次食火鍋都係飲可樂啤酒，可以揀呢個白桃梳打。清甜白桃味，唔會太甜