晶荷軒

Open Now

Now Closed

因為7月份迪士尼白金咭有生日優惠，食滿$300可以減$100，咁我哋就book 咗7月14日晚餐，我哋大約晚上8:00到餐廳。呢日係平日所以餐廳唔算多客。坐底後，職員主動推介叫我哋試下個廚師推介，咁我哋就好聽話叫咗呢個套餐。個套餐包2杯酒精飲品，不過我哋唔飲酒，所以轉咗果汁。首先第一道菜係前菜- 鮑魚併魚肉，有小小麻辣味，都算香口。第二道菜係陳皮燉雪梨，濃濃陳皮味配上雪梨清甜，十分夾。第三道菜係龍蝦球超級美味，睇得出廚師好有心機擺造型。第四道菜係 羊架配上香燈，香甜美味。第五道菜係炒飯，飯味好香，帶子鮮甜。最後係甜品，設計好有心思，城堡圖案好靚，為呢餐畫上完美句號總結食物質素好高質，而且十分精緻，令視覺得到享受，食得好滿足好開心。