點‧粵 (Closed)

食點心最緊要係蒸出嚟，重係熱氣騰騰，咁就最正。1)點粤生輝蝦蝦蝦餃薄皮、蝦肉大隻同爽口。2)羊肚菌燒賣皇后豬肉肉香有咬口，燒賣上的羊肚菌口感爽嫩、味道清香。3)香茜叉燒腸粉腸粉皮薄同滑，入面食到半肥瘦叉燒，仲有香茜，每一啖都好香。4)黑金流沙包咬開黑金就真係有流沙(奶黃)流出嚟，甜度適中。5)瑤柱花膠竹笙灌湯餃好香濃嘅灌湯餃，碗內有花膠，食到鮮甜嘅瑤柱同蝦，清爽嘅竹笙。6)頭抽乾炒牛河頭抽比較香亦冇咁咸，望到乾炒牛河唔會油淰淰，炒得好乾爽，連埋配料銀芽、韭黃韭菜、芝麻、洋蔥，炒得有水準。