點心廊 (Closed)

由於同事極力推薦我去食依間點心廊，我諗都無諗就拉埋朋友同我去來個點心hightea! 首先簡單講下個環境，燈光好充足，枱與枱之間都有十分充足既空間，舒適！食物方面，我地點左一個六款點心拼盤，一來到已經覺得佢地啲點心好浮誇，滿滿燕窩既燕窩撻，原隻鮑魚撻，海膽蝦餃，黑金蝦餃，梨造型嘅鹹水角，一個外貌普通嘅芝麻煎堆！ 全部都好靚靚！ 基本上全部都好好食！特別值得一提既係外表平凡既流心芝麻煎堆仔，真係好好食，超香芝麻味！反正梨造型既鹹水角就味道平凡😂滿滿燕窩既燕窩撻原隻鮑魚撻另外，我地兩個人仲加多左個流心鵪鶉蛋燒賣同帶子蜂巢芋角！流心鵪鶉蛋燒賣，鵪鶉蛋又唔係太流心，勝在外面好彈牙！我覺得可以skip.反而個帶子蜂巢芋角好出色，中間既芋蓉軟綿綿，外面既皮脆卜卜，好鍾意依個口感🤤