秋意 (成業工業大廈)

Open Now

Now Closed

今日lunch試吓呢間新開嘅餐廳，喺工廈樓上，都幾近觀塘地鐵站。一睇到門口都已經感覺與眾不同，好有中日合壁嘅風格。門口會有當季嘅菜單，老闆話某啲菜式會按照季節而轉變。今期秋天精選嘅係2款特色湯面：秋意酸菜魚湯麵、花膠絲肉燥擔擔麵。店員話係因為適逢秋天，酸菜魚暖胃、花膠滋潤。仲有唔少特色小食。下午茶好抵食，幾十蚊就有；收左工嘅朋友仔可以選擇食晚餐。我叫咗杯白桃烏龍冷泡茶，好香白桃味。飲落甘香，濃度剛好。花膠蟲草花燉雞湯：原隻大大隻花膠，好足料酸菜魚片湯麵：眼望就知餐廳對美感好講究。最特別係酸菜魚片係選用雕魚，好爽口，而且魚皮有啲脆。湯底都好清甜（我飲晒😂）值得推介！好滿足嘅一餐飯，份量剛剛好。食飽飽就繼續努力開工。