南小館 (Closed)

原本諗住去小南國，點知原來呢間係南小館。怪唔得出邊門口睇個裝修咁新鮮，唔似一般中菜廳，似新派嘅韓國餐廳多啲。本來環境真係唔錯，可惜遇到兩個高談闊論嘅師奶成餐不停講講講破壞晒，兩位亞太呢度始終唔係酒樓同街市，可唔可以顧及下週圍既人。我哋叫咗小籠包，生煎包，金網生煎鍋貼、醉雞同炸春卷。小籠包同生煎包新鮮熱辣，每一隻都有好多湯係裡面，好好味。金網生煎鍋貼都好特別，未見過，煎得都好香口。醉雞夠嫩滑，不錯。不過春卷就炸得真係麻麻嘞，油琳琳又冇乜餡，失望。包既係玄米茶。另外前菜同茶錢買單加埋兩個人300。 總括嚟講食物同環境嘅質素都唔差，不過員工嘅服務就一般嘞。成日都冇人理又冇人斟茶買單又慢。