Video
Read full review
2023-08-09
26 views
銅鑼灣CUBUS 雲集左好多高級餐廳，今次揀左花貝同朋友食omakase餐廳以日式庭園風設計，除左吧枱之外，仲有tatami 廂房，好岩一大班人慶祝。Omakase $1488包括先付、三款刺身、季節料理、一品料理、酢物、壽司八貫、湯、甘味。前菜蕃茄伴蓴菜，蓴菜口感滑嫩爽口，配埋清甜既蕃茄，幾開胃。刺身分別有縞鰺、牡丹蝦、赤身和長芋蓉漬赤身．縞鰺即係深海池魚，肉質細緻柔軟，入口味道鮮甜，魚油甘香。牡丹蝦口感爽脆鮮甜，加上蝦子，口感層次更豐富！赤身肉質結實，其中一件用左醬油漬醃，配埋黏滑柔軟既長芋蓉，令厚切既赤身食落更有風味！季節料理酒蒸鮑魚配 Wasabi 漬，鮑魚帶點酒香，口感細嫩，師傅建議配少少wasabi 漬一齊食，更能帶出鮮味。一品料理赤鯥魚炸得外脆，魚肉嫩滑帶有魚油香，配埋腐皮皮同香脆白髮蔥，好味。醋物三杯醋赤水母配海葡萄，水母即係海哲，入口爽彈，加入醋汁調味，味道酸甜，食完炸物後可解膩。壽司八貫分別有帆立貝、生章魚、羽太 、金目鯛、鮫鰈、喜之次、北海道根室赤海膽同網燒拖羅。帆立貝肥大飽滿，肉質柔軟，加左水晶岩鹽更能帶出鮮味！生章魚連埋吸盤都係第一次試，口感爽脆有咬口，加左青
餐廳以日式庭園風設計，除左吧枱之外，仲有tatami 廂房，好岩一大班人慶祝。
Omakase $1488
包括先付、三款刺身、季節料理、一品料理、酢物、壽司八貫、湯、甘味。
前菜
蕃茄伴蓴菜，蓴菜口感滑嫩爽口，配埋清甜既蕃茄，幾開胃。
刺身
分別有縞鰺、牡丹蝦、赤身和長芋蓉漬赤身．縞鰺即係深海池魚，肉質細緻柔軟，入口味道鮮甜，魚油甘香。牡丹蝦口感爽脆鮮甜，加上蝦子，口感層次更豐富！赤身肉質結實，其中一件用左醬油漬醃，配埋黏滑柔軟既長芋蓉，令厚切既赤身食落更有風味！
季節料理
酒蒸鮑魚配 Wasabi 漬，鮑魚帶點酒香，口感細嫩，師傅建議配少少wasabi 漬一齊食，更能帶出鮮味。
一品料理
赤鯥魚炸得外脆，魚肉嫩滑帶有魚油香，配埋腐皮皮同香脆白髮蔥，好味。
醋物
三杯醋赤水母配海葡萄，水母即係海哲，入口爽彈，加入醋汁調味，味道酸甜，食完炸物後可解膩。
壽司八貫
分別有帆立貝、生章魚、羽太 、金目鯛、鮫鰈、喜之次、北海道根室赤海膽同網燒拖羅。
帆立貝肥大飽滿，肉質柔軟，加左水晶岩鹽更能帶出鮮味！
生章魚連埋吸盤都係第一次試，口感爽脆有咬口，加左青檸調味，好清新！
羽太 -肉質比較黏口，柚子胡椒調味好突出
金目鯛肉質細緻鮮美，魚脂豐富，味道香濃，連埋魚皮一齊食，有咬口
鮫鰈即係右口魚，肉質爽脆，炙燒過後油脂豐富，加上惹花同辣蘿白蓉，味道層次豐富
喜之次係日本最珍貴的魚類之一，魚脂特別肥厚，配上甜酒煮既紫菜，油脂更香甜，又無咁油膩，好食！
網燒拖羅同一般用火槍燒唔同，師傅將拖羅放係網上面輕輕炙燒，可以保留油脂既甘香同時亦有炙燒香味。
北海道根室赤海膽入口順滑，味道鮮甜濃郁，帶少少甘味，加左藻鹽調味，海膽鮮味更出。
玉子燒表面塗左蜜糖，味道香甜，好食。
鯛魚湯用左好多魚熬製，所以湯特別香濃鮮甜。
甘味
甜品一啲都唔hea, 一共有三款, 分別係香檳巨蜂提子啫喱，奶凍同埋白桃乳酪啫喱，巨蜂提子啫喱帶有香檳既清香味，好夾。奶凍質感幼滑，牛奶味濃郁，白桃啫喱桃味清香，口感軟淋。
每道菜都好出色，環境舒適，好滿足！
Post
