Video
Read full review
2018-02-11
1106 views
香港都有唔少社企餐廳，而且好多都有不同類型嘅菜式，有法國菜、燒肉、日本菜、西餐等，尤其是港島區、中上環，印象中之前都去過一間。今日去到位於上環嘅La Parole，睇番介紹先知道係社企，喺文咸東街方向，提供傳統法國菜，相當精緻。好似話扣除成本，會將收益捐去非牟利機構，既食到飯，又幫到人嘅意義更大約六點零鐘來到，我諗食過都知道最好預約，特別係假期，今日眼見都有十零張枱。裝修係一般西餐廳格局，枱與枱之間都幾闊落，唔會話逼狹，空間感大。聽到店員都話平日都會有3course 午餐，價錢更相宜。晚市tasting menu做緊438一位，一共6個courses，有前菜、湯、主菜、雪葩等，主食有兩款可以選擇。咁我同女友一人一款法包、麥包微溫，食落香脆，配上牛油、大蒜蕃茄醬、橄欖醬，個人最喜歡大蒜蕃茄醬北海道帶子二重奏：帶子刺身配魚子醬、香煎帶子碟邊已經附上豉油芥茉，其實就係原粒帶子，一邊刺身、一邊煎過。刺身帶子彈牙新鮮；煎過嘅更香口。蟹肉露荀意大利飯聽個名以為係意大利飯，其實不然。用左拆肉蟹加埋切粒露荀，做左「意大利飯」嘅樣，都幾有心思、創意。唔會好濕，清清地，幾有特色，蟹肉配露荀都比較少食，又爽
約六點零鐘來到，我諗食過都知道最好預約，特別係假期，今日眼見都有十零張枱。裝修係一般西餐廳格局，枱與枱之間都幾闊落，唔會話逼狹，空間感大。聽到店員都話平日都會有3course 午餐，價錢更相宜。晚市tasting menu做緊438一位，一共6個courses，有前菜、湯、主菜、雪葩等，主食有兩款可以選擇。咁我同女友一人一款
法包、麥包微溫，食落香脆，配上牛油、大蒜蕃茄醬、橄欖醬，個人最喜歡大蒜蕃茄醬
北海道帶子二重奏：帶子刺身配魚子醬、香煎帶子
碟邊已經附上豉油芥茉，其實就係原粒帶子，一邊刺身、一邊煎過。
刺身帶子彈牙新鮮；煎過嘅更香口。
蟹肉露荀意大利飯
聽個名以為係意大利飯，其實不然。用左拆肉蟹加埋切粒露荀，做左「意大利飯」嘅樣，都幾有心思、創意。
唔會好濕，清清地，幾有特色，蟹肉配露荀都比較少食，又爽口，食到有明顯蟹肉。
招牌龍蝦湯
碟都好夠熱，可保持湯嘅溫度。龍蝦湯有香濃龍蝦味，份量唔係好多，夠開胃，質地唔會太杰，亦都冇味精或者開粉感。
裡面有一粒仔龍蝦肉，鮮味十足。
香橙雪葩
食完前菜、湯，中途會提供香橙雪葩，等味覺清新下。味道好似新的濃縮橙汁咁，兩三啖食哂，清清口腔。
香煎銀鱈魚配香蒜車厘茄薄奶油汁
奶油汁茄味香濃，有少少蒜蓉味道。食開銀鱈魚就知道會有陣魚油味，加醬汁會更加香。
鱈魚煎到剛好，魚皮微微脆，煎到一層一層，好滑溜，份量唔多，細細一件，個人認為幾出色
主菜一：香煎法國牛柳
用南瓜、意大利青瓜、甘荀、薏米伴碟，切成小粒，幾特別，口感多樣。薏米仲煙煙un un。
牛柳薄身，細細塊，雖然5成熟，又唔會必哂血水，煎得剛好size比較細，大食男士未必夠。但味道相當好。
主菜二：香焗龍蝦配榛子芝士忌廉汁 配北海道帶子火雞卷
龍蝦鉗起肉，真係啱啱好熟，肉質超新鮮，又彈牙，芝士汁味道唔會太濃烈。
火雞卷比較特別，裡面混合左煙肉、雞雜汁，火雞肉估唔到完全唔鞋口，仲幾香嘅雞肉味，雞雜汁加榛子都冇乜違和感。
紅桑子慕斯蛋糕配雜莓、比利時espresso雪糕
雪糕好好食，裡面仲有朱古力碎，比普通咖啡味雪糕更濃。
士多啤梨係靜崗直送，幾鮮甜。蛋糕唔漏，酸酸甜甜，飯後甜品，滿足
熱檸茶、凍檸茶：
值得一提係，上菜嘅哥哥服務態度很好，每道菜都有輕作介紹，很誠懇，令我地印象特別深刻
Post
