禮記 (Closed)

雖然搬離咗將軍澳，大家唔中都會返過嚟同朋友食飯，今日就過咗嚟呢邊食飯。之前都嚟過呢度食點心覺得係唔錯嘅，所以就嚟試吓晚餐。佢哋嘅裝修係比較新潮，唔似傳統中菜格局。啲碗碗碟碟都好靚，又估唔到佢哋仲可以揀花茶。玫瑰荔枝茶有好香嘅荔枝味加埋玫瑰花味，清新。紅燒花菇豆腐 豆腐好滑，冬菇炆得好淋，配埋蠔油汁，非常入味酸甜大海蝦脆麵海蝦大隻又夠新鮮，蝦肉爽口彈牙！呢個麵賣相一流，一上枱勁吸睛。真係啱晒打卡！上枱後，侍應會比足時間影相，影完相之後會幫你剪好晒啲麵，等你方便食，非常貼心。脆麵炸得啱啱好，脆口得嚟唔會過硬，配埋甜酸汁，微微酸帶甜咁樣非常醒胃。芒果布甸布甸香滑帶香濃嘅芒果味，布甸上邊有一堆珍珠，咬爆珍珠會有清甜芒果汁，食埋呢個甜品就滿足晒啦。