留園雅敘

Open Now

Now Closed

香港食上海餐有唔少連鎖店，今次試留園。首先好好食嘅係黑松露炒蝦仁，精緻之餘，細細粒嘅蝦仁帶住淡淡嘅黑松露香，出奇地好食，係我強烈推介嘅菜式！食上海菜唔少得小籠包山煎包，但佢哋整嘅味道一般同偏咸。小籠包個皮就夠薄，但無咩肉香。山煎包餡偏少，無祥興記嘅咁好食。至於鱔就好好食，可以夾埋炸或蒸銀絲卷都一流。佢鱔夠多又唔幼，調味好好唔太油或者咸。砂鍋雲吞雞雲吞餡料略少但湯好好味。蜜汁火方更係我嘅至愛。區能夠帶出火腿嘅向，配合想蜜糖甜甜地夾落麵包多真係好好味。佢哋用上方，火腿帶肥，肥瘦比例完美，不過包唔夠鬆軟。八寶飯唔會黏或太甜，煎得好香，只係賣相一般。可以喺環境唔錯嘅餐廳食好味嘅上海菜，呢間餐廳都值得一試嘅！