甜姨姨 (煙廠街)

Open Now

Now Closed

女士食甜品總是有第二個胃！ 夏日炎炎， 食完個晚餐， 就好想食甜品。 嚟到旺角一條好多甜品餐廳嘅街， 見到呢間舖頭好乾淨裝修好日式， 就同朋友去幫襯， 呢個天氣最啱就係食冰 原來夜晚食甜品嘅人好多， 壁滿曬成間餐廳， 我哋就安排喺搭枱嘅位置。 見到餐牌又好多打卡刨冰嘅選擇， 而且仲有好多中式西式嘅甜品，好適合晚餐後舒服下個胃。 我哋一行三人見到刨冰嘅選擇， 真係有選擇困難症， 每個刨冰都好漂亮， 好想個個都點曬。 我哋最後就點咗個楊枝甘露刨冰， 外貌好精緻， 入面啲料好豐富， 一層層咁， 又有好多生果， 底下仲有好多椰果， 脆片等。。。。。總結來說， 要打卡就來甜姨姨， 好適合三五知己聚聚， 食物質素有驚喜！