南越南咖啡廳

Open Now

Now Closed

南越南係一間越南fusion菜，佢唔單止菜式特別，唔似一般傳統越南菜，店內環境都比較relax似cafe咁，坐得幾舒服。南越蟹肉醬配脆球餅($68) - 蟹肉醬味道濃郁，脆球餅又薄又脆唔會太硬，食時可以將蟹肉醬放入脆球餅入面，幾得意。扎肉心內美米紙卷($58) - 米紙卷入面有扎肉同生菜，米紙口感帶少少彈口，食時可以驀埋佢地嘅特製醬汁，食落冇咁齋。招牌金邊粉($88) - 哩碗招牌金邊粉湯係跟南越做法，味道比較濃甜，金邊粉幾彈，上面有牛面珠、牛肉片、牛筋、牛尾、牛肉丸同油炸鬼，都幾多料。牛肉片上枱時仲係半生熟，食落幾滑，牛尾煮到好腍，牛筋就腍得黎帶啲彈口，牛丸都好彈牙。高樓米塔($54) - 米塔其實係炸左嘅米粉，食落脆脆地，食之前可以淋少少特製醬汁喺上面，雖然米粉會因為醬汁腍左，但醬汁味道鹹鹹酸酸咁，都幾惹味。荔枝雲朵咖啡($32) - 好特別嘅咖啡，下層奶白色係荔枝糖漿，中間深啡色係咖啡，最頂係模仿雲朵嘅泡泡。咖啡上枱時，侍應特別提醒飲咖啡時唔需要攪拌，我會將飲管插到杯中間位置，可以飲倒荔樣甜味之餘，同時亦飲倒咖啡。南越蛋咖啡($28) - 蛋咖啡喺越南好多時都會飲倒，但香港就唔算