南越南咖啡廳

Open Now

Now Closed

今天和朋友外出拜年，本身想吃的中菜新年期間沒有開門，我們便隨便選擇來這間越南餐廳吃飯，食物價錢適中，而且味道亦很出色，但是食物份量真的很少，即使細食的人都未必夠飽，還有環境比較擠迫，坐得有點不舒服。蟹肉醬配脆球波：蟹肉十分鮮甜美味，鮮味十足，而脆球波則十分香脆可口，是一道非常出色的開胃菜。惹火上身豬頸肉：上菜的時候會點火，雖然只有一秒不過都很震撼，至於豬頸肉的質感亦非常嫩滑可口，肉汁四溢，是今次最美味的菜式之一。咖哩軟殼蟹配蒜蓉包：與其說是咖哩，我認為味道比較像是冬陰功湯汁，因為偏辣之餘，亦嚐到冬陰功的味道，辣度應該都有中辣左右，軟殼蟹和蒜蓉包則十分香脆可口，配上湯汁很美味，同樣都是今次最美味的菜式之一。南越法式麵包：第一次在香港吃到越南的法包，本人不喜歡吃沙律菜，幸好包內是紅蘿蔔絲，以及有扎肉雞肉等，味道相當不錯，是全場最驚喜的食物。生炸蒜香雞翼：雞翼本身沒有什麼特別，特別的是它的醬汁，有點芥末的味道，但又甜甜的。南越蛋咖啡：這次是我在香港第一次看見雞蛋咖啡，雞蛋加咖啡的味道真的相當不錯，只是太細杯，如果大杯一點便好了。Tears of Mermaid ：我們選了有酒精的版本，不過

打開升降機門，就會見到呢堆霓紅燈箱，一間玩味十足嘅南越菜店。悶熱天氣，行到上黎都有少少汗，未開餐先叫D凍飲先。呢度除咗特飲如呢杯咁靚嘅Citrus Blossom ($52)，篤穿個氣泡就飲得。以西柚味為主體，加上梳打，香甜有氣感，有外在美之餘仲有內涵。仲有自家出品嘅柑桔檸檬綠茶 ($25)，比埋個冰底杯你，建議先搖一搖先倒。柑桔檸檬味比預製支裝來得自然，亦飲到綠茶味。炎夏天氣好岩飲呢D果味飲品。首先出場嘅係越式發酵茶葉沙律 ($54)，顏色繽紛吸引人。多種材料如以爽口生菜為基底，再有青瓜絲，蕃茄粒，各式脆豆及少少發酵茶葉作點綴。加入醋汁作沙律醬，爽脆之選。似係健康之選嘅有呢客扎肉心內美米紙卷 ($65)，一客有5件。以米紙卷包住酸甜甘荀絲，青瓜及扎肉條，再點埋個花生醬，調起晒整體味道。話晒係呢度嘅招牌金邊粉($88)，採用嫲嫲南越湯，點可以錯過?!一碗份量夠晒多，二人分享都可以。材料有牛尾，牛丸，牛筋，牛腩等，牛氣沖天。湯底好鮮甜，飲完都無話好口渴，有條油炸鬼比你索湯食; 而金邊粉入口幾爽口，以湯送粉好易食得晒。加埋有少少九層塔及芽菜，增加香味與口感。越菜除咗必叫pho之外，法包都唔

之前已同屋企人食過兩三次，覺得菜式好新穎同味道唔錯，今次就同老公撐枱腳。 我哋叫咗豬頸肉，茶葉沙律，咖喱軟殼蟹同埋班蘭飯，樣樣都幾好味，係咖喱蟹同豬頸肉份量比較少，我哋仲叫咗班蘭咖啡，老公突然傷風感冒，我叫咗香茅檸檬俾佢～豬頸肉，店員會點火烤一秒，份量唔算多，墊底的菠蘿都幾好味茶葉沙律好大份，味道幾清新咖喱軟殼蟹好惹味，最啱配蒜蓉包或白飯班蘭飯顏色好翠綠好靚，好好味，每次都必叫班蘭咖啡略嫌唔夠班蘭味，稍為失望香茅檸檬好大杯～埋單後有優惠挖挖卡，挖中咩優惠下次幫襯時可使用，估計而家好少餐廳有呢啲野玩了⋯ 希望餐廳繼續有新穎又好味嘅菜式，下次再幫襯～

食到好趕！用餐時間一個鐘，上餐又唔係特別快，唔夠一個鐘已經收到兩次提示😓-食物正正常常～冇特別🥖法包🥖叫做最有記憶點😂 好食都多料🐷豬肉串橯檬🍜個豬肉串食落好油膩-環境唔錯 ，收加一

餐廳環境舒適, 避過午膳繁忙時間, 聽著音樂, 感覺悠閒。Lunch Set1) 越式咖喱牛肋條配斑蘭椰香飯 $882) 南越冬瓜茶 (凍)越式咖喱牛肋條配斑蘭椰香飯賣相吸引, 斑蘭椰香飯色澤鮮明, 飯粒乾身, 粒粒分明, 每口均充滿椰香, 加上炸蒜鹹香, 增添層次, 淨吃飯也感美味。越式咖喱牛肋條咖喱香辣惹味, 當中有膠質滿滿的牛筋, 軟腍的牛肋條, 翠肉瓜, 珍珠粟米, 茄子等, 一口尺寸, 十分滋味。南越冬瓜茶 (凍) 入口冰涼, 甜度適中, 有助清新口腔。

朋友喺旺角工作就一齊食個lunch先記得呢間係食啲新派越南菜式，所以就嚟左啦～菜式名都好搞笑的🔸惹火上身鹹檸豬頸肉 $70呢個我極力推薦朋友一定要叫黎食，因為場面精彩又震撼😆 店員放上枱之後，會溫馨提示🔔準備好部相機一點火🔥畫面真係好震撼啊～而且🔥🔥嗰一刻真係好快就過咗豬頸肉有種炭香味，好爽口！菠蘿都好甜👍🏻🔸脆米紙薄餅$58底下嗰塊係炸過嘅米紙係有臘腸粒、青瓜絲、甘筍絲，再用咗沙律醬做格仔紋咬落去好脆身🔸扎肉心內美米紙卷（5件）$65米紙卷透明的，清楚咁睇到包住酸甜甘荀絲、青瓜🥒、紅菜頭片、豆苗仔同扎肉，中間放咗碟花生醬仲有花生粒粒係入面🥜🔸［嫲嫲南越湯］招牌金邊粉 $88好豐富的，有牛肉、牛肋條、牛根、牛尾、牛肉丸同油條，個湯底好有越南風味🔸順化豬肉串撈檬粉落個撈檬汁既時候覺得同平時食開既有點不同，所以賣單既時間問問個店員，原來d醬汁都係佢地自家整的所以口感特別不同呀🔸（冬季限定）黑糖生薑香茅檸檬茶（熱）$35係咁凍嘅天氣飲番杯好暖身嘅香茅檸檬茶，成身即刻䁔笠笠，黑糖、生薑🫚、香茅呢三種味都融為一體，味道多出🔸斑蘭龍眼茶（冷）$25好靚既玻璃瓶裝住，有種以前啲人飲酒嘅感覺😂😂

食物方面：紙薄餅：我就係俾呢道吸引咗，先食呢間，果然有驚喜😆記得肉粒，蔬菜同薄餅要一齊食，咁樣配搭，味道層次好多，一個字，正☺️😋金邊粉：麵線又滑又彈牙😋牛肉好林！湯底夠味😆😋豬頸肉：一定要點右邊個醬，有肉汁但唔會太肥膩😆👍🏼雞軟骨：香脆！辣辣地，好惹味😆😋龍眼冰：清甜解渴👍🏼越南蛋咖啡：上面係焦糖蛋醬，陪合咖啡飲，口感好特別😆服務方面：ok環境方面：ok性價比方面：高質食物，唔算太貴備註：夜晚食一定要bk，好多人如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

真心唔明點解咁多人話好味，我食過每一樣嘢都唔好食，仲要嗱嗱臨轉場食嘢，連最普通嘅春卷都唔好食，今次真係中伏，啲朋友都話好難食，食到要快快走跟住全場😂😂😂😂

最近去左旺角一間新派越南菜餐廳，呢度既食物真係好有特色。餐廳裝潢現代又不失越南風情，充滿咗熱帶風情嘅裝飾同燈光，環境好舒適宜人。🍃 *越式發酵茶葉沙律*：呢道沙律真係好特別，茶葉嘅清香同發酵後嘅酸甜味道互相輝映，配上鮮脆嘅蔬菜，口感清新又豐富，十分醒胃。🌽 *越式惹味粟米條*：粟米條外脆內嫩，表面仲撒上咗獨特嘅香料，味道香濃又帶點辣意，每一口都充滿咗驚喜。🥢 *南越炸豬肉春卷*（6條）：春卷金黃酥脆，內餡豐富多汁，豬肉嘅鮮味同香料完美結合，令人一試難忘。🥖 *越式咖哩牛肋條配蒜茸法包*（4件）：牛肋條炆得好腍，咖哩味道濃郁又帶有少少辛辣，配上香脆嘅蒜茸法包，簡直係絕配，每一啖都係享受。☕ *黑糖生薑香茅檸檬茶*（冬季限定，熱）：呢杯茶嘅味道濃郁又暖胃，黑糖嘅甜味同生薑香茅嘅微辣味道混合，仲有檸檬嘅清香，係寒冷天氣嘅好選擇。🍏 *香茅青蘋果茶*（冷）：茶嘅清香配上青蘋果嘅酸甜，非常解渴清新，係炎熱天氣嘅好選擇。🍗 *烤蔞葉雞配青蘋果條*：雞肉烤得外脆內嫩，蔞葉嘅香氣滲透到雞肉入面，配上清脆嘅青蘋果條，味道層次豐富，令人回味無窮。

南越南咖啡廳 (旺角)旺角彌敦道726號1樓南越蟹肉醬配脆球餅 - 香濃嘅蟹肉醬，配上香脆嘅球餅，每一口都係濃郁嘅海味同酥脆嘅口感。扎肉心內美米紙卷（5件） - 扎肉心嘅米紙卷，每一件都包住鮮嫩嘅扎肉，配上清爽嘅米紙，清而不膩。NVN 咖啡骨 - 濃郁嘅咖啡骨，每一口都係香濃嘅咖啡味同嫩滑嘅肉質，帶來極致嘅味覺享受。薏火上身鹹檸豬頸肉 - 香濃嘅鹹檸豬頸肉，配上薏火上身嘅特別風味，喺你面前表演燒着佢，係視覺衝擊。越式咖哩牛肋條配蒜茸法包（4件） - 濃郁嘅越式咖哩牛肋條，配上香脆嘅蒜茸法包，食到停唔到口。接骨木花茶青蘋果（熱） - 溫暖嘅接骨木花茶配上清新的青蘋果味，每一口都係清新同暖意嘅完美結合。參參愛梨（熱） - 濃郁嘅參參愛梨，每一口都係甜美同香滑嘅享受，叫你愛人讀出呢杯飲品嘅名，就係示愛啦。

好少會想留言，但想稱讚食品出色，之前經過門面覺得好特別，一心諗住去試吓，入去地方清潔，staff有善，已經黎過幾次食物質素都幾好，款式唔算好多，但食物有驚喜，由其特別鍾意相中嗰幾款，脆米紙薄餅，南越蟹肉醬配脆球餅，仲有奶凍，而香蕉薄餅同豬頸肉我個人覺得冇咁特別，但味道亦唔係差，fusion菜黎，好睇仲好食，份量都好足，上菜快，連帶老人家去食佢地都岩食，價錢合理，之前飲過有斑斕奶蓋嘅飲品都好特別，希望以後有多啲咖啡同酒精以外嘅飲品選擇，整體都好唔錯，特登上黎打食評讚賞👍🏻👍🏻希望keep住呢個質素！

很久沒有吃越南菜，看到介紹評分高，放膽去試試，可能因為時間早（18:00），不用訂枱也可以（當然訂咗會安心啲）環境清潔企理👌🏻服務也不錯👍🏻越式咖哩牛肋條配斑蘭椰香飯-$88斑蘭味ok，而且有牛筋～正NVN咖啡骨-$78濃濃咖啡加上甜甜的棉花糖，醬汁變得濃而不苦～特別南越蛋啤酒～$45雞蛋令啤酒有creamy的口感～順滑p.s: 份量實在太少，每樣只有6粒中小型Mahjong的肉，只適合細食的人😊

越南蟹肉醬配脆球餅蟹肉醬香濃鮮甜，帶少少越式香草嘅清香，配埋脆卜卜嘅球餅，好有層次感。每啖都係酥香同濃郁嘅蟹味，啱晒做開胃小食，停唔到口！脆米紙薄餅薄餅外層脆卜卜，咬落仲有啲米紙嘅煙韌口感，餡料豐富又好味，帶住越式嘅香料味道。食得出係新鮮整，配埋醬汁一齊食更加惹味！咖啡骨呢個真係意想不到嘅驚喜！豬骨炆得好入味，帶住陣陣咖啡香，入口有少少甜又唔會搶豬骨嘅味道，肉質嫩滑，啲汁仲幾掛口，好正！惹火上身鹹檸豬頸肉豬頸肉帶鹹檸味，酸酸鹹鹹，仲有啲微辣，幾開胃！豬頸肉香口多汁，脂肪分布啱啱好，食完辣勁勁又想再嚟多啲，超惹味。越式咖喱牛肋條配斑斕椰香飯咖喱好香濃，帶住越式香料嘅獨特味道，牛肋條炆到好腍，入口即化。配埋斑斕椰香飯，飯香同咖喱仲好夾，每啖都係滿足感！越南蛋咖啡（熱）呢杯蛋咖啡真係香滑到不得了！咖啡濃郁但唔會苦，配埋滑溜溜嘅蛋奶泡，口感好豐富，帶少少甜香，暖笠笠嘅感覺，飲完超治癒。斑斕奶蓋咖啡（凍）咖啡底濃郁，帶住斑斕葉嘅清香，再加上厚厚嘅奶蓋，香滑夾啱啱好嘅甜度，冰涼解渴又唔膩。層次分明，味道超有特色！越式發酵茶葉沙律呢個沙律真係新鮮又特別，發酵茶葉帶住微酸同少少甘香，配埋花生、菜葉同酸

旺角呢間越南餐廳唔單止食物質素高仲不停設計新菜式吸引客人🤩每隔一段時間就會以全新面目示人 所以今次我再次光顧 睇吓有冇啲咩驚喜先🤓首先係火龍芒芒蝦仁配脆蝦片🍋🍤作為前菜好有驚喜足料蝦仁配酸酸甜甜調味料 好特別😛接住就到必叫嘅米紙卷🥬呢個扎肉米紙卷口感清新 米紙爽脆 😙扎肉再配多款配菜 份量好大同好開胃😚再嚟就係烤蔞葉雞配青蘋果條🐓烤雞烤得好爽脆 肉質又鮮嫩做到外脆內軟嘅效果 好juicy🤤再嚟就係打卡一流既惹火上身鹹檸豬頸肉🐖上菜時店員會拎打火機做到有火焰效果🔥記得準備好電話打卡 相當吸引👀呢碟餸菜仲要好睇又好食 豬頸肉都烤到脆卜卜 肉質嫩滑多汁 👍🏻係必叫item✨主食就係越式咖喱牛肋條配蒜蓉法包🥪牛肋條同牛筋肉質軟熟咖喱微辣惹味可口🥘配上脆卜卜嘅蒜蓉包 會令人食唔停🥰飲品方面 都有好多驚喜😋南越蛋咖啡好新穎☕️濃郁咖啡上有種淡淡嘅蛋香🥚呢個組合離奇合襯🤗另外接骨木花茶青蘋果🍏唔會太甜 味道又清新健康💪🏻總括嚟講 各方面都帶到好多驚喜俾客人嘅餐廳😇好欣賞餐廳嘅用心 值得多次支持😘南越南咖啡廳 (旺角)旺角彌敦道726號1樓

📍NAM VIỆT NAM CAFÉ (旺角)旺角彌敦道726號1樓呢間粵式餐廳真係食極都唔厭，因為佢間唔中又有啲新嘢，所以每次佢都有驚喜同埋有啲嘢係必食既👉越式發酵茶葉沙律💰$54😋😋😋😋7/5呢個沙律酸味味咁然後又有啲脆豆蕃茄喺面夠開胃之餘又有口感真係唔錯👉惹火上身鹹檸豬頸肉💰$70😋😋😋😋.8/5呢個真係必要好睇之餘又好食一上枱店員就會點火即刻哇一聲，啲肉好有炭香，正😄👉扎肉心內美米紙卷（5件）💰$65😋😋😋😋.7/5米紙包住扎肉同蔬菜，食落好清爽！食完都無負擔👉脆米紙薄餅💰$58😋😋😋😋.7/5將塊米紙炸過，面層放上臘腸粒同蔬菜絲，脆卜卜又惹味👉NVN咖啡骨💰$78😋😋😋😋.7/5自己鐘意倒幾多咖啡都得，本身就將所有咖啡倒哂入軟骨度，個咖啡味係香到不得了，仲好入味，苦得嚟又帶點微甜，好啱愛啡之人👉越式咖喱牛肋條配斑蘭椰香飯💰$88😋😋😋😋.7/5之前已經食過，覺得個椰香飯好出色，滿滿椰香味，食落有少許甜味，似食緊甜品咁，配埋個咖哩牛肋條真係無得輸👉接骨木花茶青蘋果💰$40😋😋😋😋.7/5個花香味好濃烈，飲落就幾清新，暖笠笠，好啱飲👉南越滴漏咖啡💰$30😋😋😋😋.8/5食越南嘢點