Video
3-min walk from Exit B3, Mong Kok MTR Station
continue reading
Telephone
23119333
Introduction
NAM VIỆT NAM Café（南越南咖啡廳）作為南越 Fusion 菜主題餐廳，旨在將各種似乎雲壤之別的食材和文化放在一起，擦撞出新滋味，賦予專屬NAM VIỆT NAM Café的獨家味道。
餐廳搜羅具南越特色的街頭美食及飲料，不惜工本於菜式注入嶄新概念，融入各地具代表性的食材，注入讓人驚喜的活潑元素， 讓食客體驗真正「南越南」的風味，把「Fusion」意念發揮得淋漓盡致。
continue reading
Opening Hours
Today
12:00 - 22:00
Mon - Sun
12:00 - 22:00
*Last Order: 21:30
Above information is for reference only. Please check details with the restaurant.
About Reward Scheme
RELATED ARTICLES
打開升降機門，就會見到呢堆霓紅燈箱，一間玩味十足嘅南越菜店。悶熱天氣，行到上黎都有少少汗，未開餐先叫D凍飲先。呢度除咗特飲如呢杯咁靚嘅Citrus Blossom ($52)，篤穿個氣泡就飲得。以西柚味為主體，加上梳打，香甜有氣感，有外在美之餘仲有內涵。仲有自家出品嘅柑桔檸檬綠茶 ($25)，比埋個冰底杯你，建議先搖一搖先倒。柑桔檸檬味比預製支裝來得自然，亦飲到綠茶味。炎夏天氣好岩飲呢D果味飲品。首先出場嘅係越式發酵茶葉沙律 ($54)，顏色繽紛吸引人。多種材料如以爽口生菜為基底，再有青瓜絲，蕃茄粒，各式脆豆及少少發酵茶葉作點綴。加入醋汁作沙律醬，爽脆之選。似係健康之選嘅有呢客扎肉心內美米紙卷 ($65)，一客有5件。以米紙卷包住酸甜甘荀絲，青瓜及扎肉條，再點埋個花生醬，調起晒整體味道。話晒係呢度嘅招牌金邊粉($88)，採用嫲嫲南越湯，點可以錯過?!一碗份量夠晒多，二人分享都可以。材料有牛尾，牛丸，牛筋，牛腩等，牛氣沖天。湯底好鮮甜，飲完都無話好口渴，有條油炸鬼比你索湯食; 而金邊粉入口幾爽口，以湯送粉好易食得晒。加埋有少少九層塔及芽菜，增加香味與口感。越菜除咗必叫pho之外，法包都唔能夠忘記。呢度係食南越菜，所以有南越法式麵包 ($78)。已幫你一開二，每人半份岩岩好。香脆嘅法包，入面”釀”入多種材料，如酸甜甘荀絲，豬耳及扎肉絲，仲有鴨肝醬(??)，總之成個包飽肚之餘仲係好味嘅。呢客越式惹味粟米條 ($48)，開頭估以為都係d椒鹽粟米，點知原來仲有個酸甜醬汁係底。入口有粟米粒嘅嚼口，仲食到酸甜味，輕輕鬆鬆好快被食晒。主菜類以烤蔞葉雞配青蘋果沙律 ($90/半隻)作代表。烤鷄皮下無多餘脂肪，肉唔會烤到變乾，點埋個特色醬(味道有d似xo醬中嘅蝦仔味)，唔辣幾惹味。間中食下個青蘋果條，爽脆多汁之餘同個辣醬都幾夾。好在早D上黎，坐下坐下都座滿，呢餐南越之夜，每次黎都有D驚喜。
continue reading
南越南咖啡廳 (旺角)旺角彌敦道726號1樓南越蟹肉醬配脆球餅 - 香濃嘅蟹肉醬，配上香脆嘅球餅，每一口都係濃郁嘅海味同酥脆嘅口感。扎肉心內美米紙卷（5件） - 扎肉心嘅米紙卷，每一件都包住鮮嫩嘅扎肉，配上清爽嘅米紙，清而不膩。NVN 咖啡骨 - 濃郁嘅咖啡骨，每一口都係香濃嘅咖啡味同嫩滑嘅肉質，帶來極致嘅味覺享受。薏火上身鹹檸豬頸肉 - 香濃嘅鹹檸豬頸肉，配上薏火上身嘅特別風味，喺你面前表演燒着佢，係視覺衝擊。越式咖哩牛肋條配蒜茸法包（4件） - 濃郁嘅越式咖哩牛肋條，配上香脆嘅蒜茸法包，食到停唔到口。接骨木花茶青蘋果（熱） - 溫暖嘅接骨木花茶配上清新的青蘋果味，每一口都係清新同暖意嘅完美結合。參參愛梨（熱） - 濃郁嘅參參愛梨，每一口都係甜美同香滑嘅享受，叫你愛人讀出呢杯飲品嘅名，就係示愛啦。
continue reading
好少會想留言，但想稱讚食品出色，之前經過門面覺得好特別，一心諗住去試吓，入去地方清潔，staff有善，已經黎過幾次食物質素都幾好，款式唔算好多，但食物有驚喜，由其特別鍾意相中嗰幾款，脆米紙薄餅，南越蟹肉醬配脆球餅，仲有奶凍，而香蕉薄餅同豬頸肉我個人覺得冇咁特別，但味道亦唔係差，fusion菜黎，好睇仲好食，份量都好足，上菜快，連帶老人家去食佢地都岩食，價錢合理，之前飲過有斑斕奶蓋嘅飲品都好特別，希望以後有多啲咖啡同酒精以外嘅飲品選擇，整體都好唔錯，特登上黎打食評讚賞👍🏻👍🏻希望keep住呢個質素！
continue reading
很久沒有吃越南菜，看到介紹評分高，放膽去試試，可能因為時間早（18:00），不用訂枱也可以（當然訂咗會安心啲）環境清潔企理👌🏻服務也不錯👍🏻越式咖哩牛肋條配斑蘭椰香飯-$88斑蘭味ok，而且有牛筋～正NVN咖啡骨-$78濃濃咖啡加上甜甜的棉花糖，醬汁變得濃而不苦～特別南越蛋啤酒～$45雞蛋令啤酒有creamy的口感～順滑p.s: 份量實在太少，每樣只有6粒中小型Mahjong的肉，只適合細食的人😊
continue reading
越南蟹肉醬配脆球餅蟹肉醬香濃鮮甜，帶少少越式香草嘅清香，配埋脆卜卜嘅球餅，好有層次感。每啖都係酥香同濃郁嘅蟹味，啱晒做開胃小食，停唔到口！脆米紙薄餅薄餅外層脆卜卜，咬落仲有啲米紙嘅煙韌口感，餡料豐富又好味，帶住越式嘅香料味道。食得出係新鮮整，配埋醬汁一齊食更加惹味！咖啡骨呢個真係意想不到嘅驚喜！豬骨炆得好入味，帶住陣陣咖啡香，入口有少少甜又唔會搶豬骨嘅味道，肉質嫩滑，啲汁仲幾掛口，好正！惹火上身鹹檸豬頸肉豬頸肉帶鹹檸味，酸酸鹹鹹，仲有啲微辣，幾開胃！豬頸肉香口多汁，脂肪分布啱啱好，食完辣勁勁又想再嚟多啲，超惹味。越式咖喱牛肋條配斑斕椰香飯咖喱好香濃，帶住越式香料嘅獨特味道，牛肋條炆到好腍，入口即化。配埋斑斕椰香飯，飯香同咖喱仲好夾，每啖都係滿足感！越南蛋咖啡（熱）呢杯蛋咖啡真係香滑到不得了！咖啡濃郁但唔會苦，配埋滑溜溜嘅蛋奶泡，口感好豐富，帶少少甜香，暖笠笠嘅感覺，飲完超治癒。斑斕奶蓋咖啡（凍）咖啡底濃郁，帶住斑斕葉嘅清香，再加上厚厚嘅奶蓋，香滑夾啱啱好嘅甜度，冰涼解渴又唔膩。層次分明，味道超有特色！越式發酵茶葉沙律呢個沙律真係新鮮又特別，發酵茶葉帶住微酸同少少甘香，配埋花生、菜葉同酸辣醬，口感豐富又醒胃。清新又健康，越食越想食！
continue reading