滿軒新派粵菜 (Closed)

位於尖沙咀厚福街的滿軒新派粵菜，係一間中式粵菜館，晚市有粵菜小炒供應，午市則有全手工製作點心、明爐燒味、炒粉麵飯等等。平日下午茶時段各款點心都係$20（燒賣蝦餃除外）金龜叉燒包呢個外表造型可愛的金龜叉燒包真係得意到唔捨得食呀！面上仲有一層金黃菠蘿皮，好酥脆，裏面包着甜甜的叉燒肉餡🤗水晶鮮蝦餃蝦餃size比平常坊間的大隻，外皮厚薄適中，內裏啖啖鮮蝦肉，好足料呢！鮮蝦爽口彈牙夠晒新鮮，皮薄餡靚，無得輸呀！👍🏻蟹籽燒賣皇份量同樣十足的燒賣皇，豬肉同鮮蝦比例均一，啖啖豬肉香亦有唔少鮮蝦味，拍得住酒樓水準，好好食！😋龍皇鮮竹卷呢個鮮竹卷獨特之處就係用龍蝦湯浸住，好矜貴。鮮腐竹外皮好嫩滑，有豆香，內裏係豬肉同雜菜餡料，感覺健康💪🏻潮州蒸粉果晶瑩剔透的粉果皮好有嚼勁，裏面包着大量沙葛、花生、西芹、蔥花、等等配料，味道同口感層次都好豐富呢。而且好大粒，夠晒飽肚😆太極馬拉糕馬拉糕呈太極形狀，黑色的一邊係竹炭味；黃色即係原味黃糖～口感好鬆軟，帶有黃糖的甜香，好味道呢😇春風得意腸粉嫩滑腸粉包着鮮蝦春卷，春卷超酥脆，滿滿的鮮蝦肉，香口又美味😛