滿軒新派粵菜 (Closed)

又到農歷新年,雖然肺炎殺到但點都要搵d中式餐廳試下先有氣氛又係開飯搵餐廳,見到有間新派點心於是同屋企人黎試下上到黎望一望環境,以藍色做主調三個按排左卡位,非常舒適講返重點,叫左六樣野,如下:龜仔义燒包:外表得意,菠蘿包面脆脆的,內涵足夠,好食醬汁鳳爪:同酒樓差不多味道,但本人口味覺得可以更濃味太極馬拉糕:鬆軟熱辣辣,原味同芝麻味,好食鹹水角:外表趣致,外層脆但內裡柔軟函料好味,讚芝麻卷:已經好少地方有得食,質素高,又滑又軟身芝麻味足夠鬼馬牛肉:牛肉讓係油炸鬼上,估唔到夾到油條夠脆但唔油膩,讚總括黎講CP值高,又食又價錢合理以上食評只反映個人立場,如有雷同,實屬不幸

銀座式飲食大廈 H8 雖然位於厚福街盡頭，位置不算很理想，但每逢晚飯時段，仍然人流暢旺。總覺得這幢大廈設計上有點錯誤，雖然定位為飲食大廈，但電梯數量明顯不足以應付高峰時段人流，印象中，晚飯時段的排隊人龍往往伸延到街上。今日中午時段到此飲茶，就一個排隊等升降機的人都沒有。H8 落成差不多九年，第一批進駐的食肆已接近全部結業了，印象中只剩下「德美壽司」及「燒肉の牛太・本陣」仍然繼續營業。今日揀了快閃飲茶的「滿軒」開幕也只是大約半年。H8 每層面積偏少，酒樓當然不會預留空間作為等候區；電梯門一打開就已經見到餐枱座位區。酒香寶貝鴿(特價)（$38）味道一般，既沒有慣常炸乳鴿的滷水鹹香、也沒有什麼酒香。根據經驗，這種迷你炸乳鴿稍為過火，就會流失所有肉汁、鴿肉也會很乾；今次火喉算控制得幾好，鴿肉仍然嫰滑。太極馬拉糕（$33）用預制模具將馬拉糕砌成太極兩儀圖的形狀，由於之前在另一間酒樓已經見識過，視覺上沒有新鮮感，加上眼前出品的太極兩儀圖形狀並不平均，賣相一般而已。馬拉糕鬆軟程度一般，原味馬拉糕的黑蔗糖香甜唔夠香濃，黑芝麻味馬拉糕又沒有明顯黑芝麻香氣。太極馬拉糕唔好食。水晶鮮蝦餃(2 粒)（$20）

厚福街都算係一個美食集中嘅好地方。。不輪平平貴貴任君選擇😬。。餐廳喺H8大廈嘅一樓電梯一開全是座位。。不過座位比較擺設不太好看。。如果窗邊全是卡位。。感覺比較統一。。下午茶時段客人比較少。。但是服務員態度很好。。我們一開始選擇了鐵觀音茶。。其實我也想嘗試玫瑰花茶🌹。。希望下次再有機會啦。。 剛剛可是兩點店員送上下午茶的餐紙。。論價錢在尖沙咀區算是十分便宜。。當然論埋食物就滿意。。我們兩個人只點了四個點心。。金龜叉燒包🐢。。不一鹹水角🥕。。春風得意腸粉。。水晶鮮蝦餃🦐。。 四個點心也很精緻而且熱燙燙的。。原本還想試太極馬拉糕。。但是真是撐不下🙈

同屋企人係尖沙嘴行街，經過厚福街見到「新派粵菜」，即管試一試。一共叫左4個送：香脆蘑菇仔 / 滋補黃酒雞 / 黑椒豬手/ 臘味糯米飯香脆蘑菇仔：啊妹一見到就好想試下，原粒炸蘑菇好少見，仲要係中式餐廳。炸蘑菇外脆內軟，似台式做法，上面有炸蒜，非常juicy!滋補黃酒雞：經理推介新菜色。一上菜即刻聞到好濃既酒味，好大碟，雞好滑。一問之下原來個黃酒係用兩種客家酒調配而成，香濃得來不會太嗆。食完d雞仲可以當湯飲，十分推介！黑椒豬手：類似德國脆皮豬手，外皮極脆，豬手軟淋，跟黑椒汁，同德國餐廳有得揮！燒味雙拼（燒鵝，叉燒）：燒鵝 --- 不油膩，皮脆，有鵝味叉燒 --- 經理推介，用西班牙黑毛豬做，濃豬味，斜切好大快。臘味糯米飯：臘味糯米飯好巧工夫同廚師功架，滿軒既臘味糯米飯絕對係好食！粒粒分明，軟硬適中，色水好，臘味冬菇 size 切到剛剛好。冬天食真心一流！總結：香港好少食到唔係大集團既中餐館，【滿軒 新派粵菜】經常不定時推出新菜式，服務也非常好。 順帶一提：個度既茶都好特別，叫左陳皮普洱，好好飲，淡淡陳皮味，十分解膩。

因太多好評，星期六尊登同家人去食點心。實說實話，真係一d 驚喜都無，只可評為普通，其中的XO 醬炒腸粉完全無見到有 XO 醬，問阿姐，佢話係咁架，如你好彩可能會食到有，食到第二舊仲要係"叔"左，家人都話係，職員立即同我取消了，結果連甜品都吳感叫就走左。食完大家都話早知去食魚蛋粉好過。

今晚約埋幾個朋友去咗厚福街食新派粵菜，之前系Facebook都見佢哋介紹咗好多菜式，又睇咗好多食評，所以約埋朋友食飯吹吓水😄😄坐落人未齊開咗個好多人話好飲嘅陳皮普洱茶，真係無介紹錯，入口有陣果皮味好舒服😌跟住叫咗個小食（鮑汁豬手）豬手好入味又淋，人到齊就叫咗（山渣豬仔串）酸酸甜甜嘅醬汁包住豬仔肉好香口👍🏼👍🏼（QQ辣雞煲）好野味又夠晒香辣，食完雞煲我哋叫咗（手切安格斯牛肉）加落去再食，簡直系絕配👍🏼👍🏼👍🏼呢個雞煲一定會再食👍🏼👍🏼👍🏼（避風塘炒辣蟹🦀）好耐無食避風塘炒蟹，呢個真系無得輸，味道好香，我哋只系叫咗一隻標準蟹，下次可以叫大蟹喇😋😋😋我哋系經Facebook訂位所以正價有九折，好抵食，好快會再去食，下次想食羊腩煲😁😁

這色店位於尖沙咀，屬於樓上鋪食肆，這天被店子28元燒腩仔的宣傳單張吸引，一於試一試。香口燒腩仔：下午茶優惠的點餐紙上，燒腩仔一碟是78元，我問服務員，她給我另一張中午激安優惠的點餐紙，燒腩仔的價錢是28元。這碟燒腩仔真的是價廉物美，不但價錢平，質素也高，皮脆，肉肥瘦相間，味道好，很好吃。水晶蝦餃：這蝦餃四隻只收30 元，皮薄，蝦肉很多，不過蝦肉雖然Q彈，但蝦味不足，不過以這價錢來說，性價比已是十分高的了。春風得意腸粉：這就是腸粉包春卷，腸粉皮薄滑，春卷皮脆，內餡是蝦，吃的時候口感很特別，味道也很好，不過上桌時只附醬油，要問服務員才給我甜醬。上海小籠包：皮略厚，不過味道不錯。金龜叉燒包：賣相可愛，不過菠蘿皮不夠趣，內餡也略甜侍這店應該是開業不久，環境不錯，侍應的工作態度也很好。

新派粵菜 水滾茶靚☕️ 平時都會係厚福街搵食，決定再光顧一次呢間餐廳🍴飲啖茶食個包。茗茶可選陳皮普洱/鐵觀音/苿莉花茶/玫瑰🌹花茶，我地決定試陳皮普洱，飲落啖啖陳皮香，理氣健脾，溫胃散寒。☕茶介都係十蚊一個。️ 金🐢叉燒包：（HKD 27) : 造型可愛得意，面層係菠蘿🍍包皮，酥脆無比，入面係甜甜的蜜汁叉燒肉餡，新鮮熱辣，好好味😋水晶鮮蝦餃（HKD 38)：4 顆🥟：餡料有夠滿， 一大粒鮮蝦比水晶似既皮包住， 一啖咬落去好滋味，略嫌蝦餃皮味夠薄，如果係就真係皮薄餡靚。大極馬拉糕(HKD 31): 呈太極☯️圖形狀，黑色是竹炭味，黃色是黃糖味，但比較特別食落好重煉奶味，香甜而不膩，打卡一流📷令和紫菜餃🍣(HKD27):嘩，真係估吾到用紫菜同蝦肉做成sushi 形狀，幾可亂真。一大粒蝦肉配紅蘿蔔🥕粒用紫菜包著，爽口彈牙，蘿蔔增加口感，同紫菜好配合，互相輝映。最新推介：「黑豚叉。點心丼飯」🐷（HKD68)六大片黑豚叉燒，肥瘦得宜，一陣BBQ醬味，蜜味濃、而且咬落外邊脆身充滿炭燒味，飯量好大份，而且仲包埋一碟清甜菜心， 感覺平衡左豬既油膩感。仲包埋兩粒燒賣皇，肉香少油，大大粒，豬肉飽滿。滿足🤩新派粵

以前每逢週末都會同屋企人去酒樓歎「一盅兩件」，不過自從小伙子搬遷後，兩口子已經很久沒一起上茶樓。趁這天要來尖沙咀取件，就特意放了半天假，相約老公到附近開餐。記得之前有朋友提過，厚福街新開咗間新派粵菜餐廳「滿軒」，據說店裡的點心不但做得有板有眼，而且外貌和味道都頗有新意，反正兩口子已很久沒一起歎茶，一於試下。餐廳位於厚福街 8 號 H8 1 樓，裝潢走摩登時尚路線，設計以搶眼的寶藍及淡啡色為主調，椅桌擺放得不算密麻，整齊企理。用餐區大部份空間都無遮無擋，感覺特別開揚舒服，很適合和家人朋友來聚餐。坐下後先看點心紙，有巧手點心、新派小食、甜甜蜜蜜、即燒明爐燒味、健康之選、特式飯麵，選擇頗多，而且價錢合理。下午茶時段，點心更一律只收 $20，非常抵食，不過蝦餃燒賣就除外。至於茗茶方面，就有 4 款可供選擇，包括：鐵觀音、茉莉花茶、玫瑰花茶同我哋揀嘅陳皮普洱 (茶水$8/位)，普洱入口甘醇，帶獨特的陳皮香味。野菌金魚餃 ($20)，金魚餃造型很別緻，外皮煙韌透薄，入面包了雜菌、秀珍菇、雞髀菇、鮮冬菇等，用料十足，加上外形栩栩如生，盡顯師傅功架。金龜叉燒包 ($20)，叉燒包以金龜外表呈現，造型既

經朋友介紹去試，那就一家大細去食下，某一些款式特別，都可以嘗試，只是個花膠手撕雞和藍梅淮山麻麻地，手撕雞肉質太淋，食落好像霉霉地，藍梅准山更加沒有特別，只是蒸D准山之後淋D藍梅漿落去，無咩特別，還有粉果一般般，其他都可以。小朋友最喜歡就是龜龜叉燒包，我最喜歡就是腸粉夠滑如果點心再多一些款式就好，茶款可以有玫瑰花茶，這點我最喜歡，因為不是度度酒家會有。環境都舒服，潔程度乾淨，有機會的話可以再去嘗試。

厚福街多食肆就係人都知，H8就剛剛開了一間新派粵菜，當然要嚐一嚐。一出Lift門，耳目一新的感覺，乾淨整潔企理。店內更有法國玫瑰花茶供應，散發淡淡玫瑰香氣，回味無窮啊！店中自設工場，全都由店內一手一腳包辦，絕對新鮮製造。雀巢沙律棧上桌時，雀巢還是暖暖的香脆，而上層添上清爽的健康沙律，絕配。醬皇蒸鳳爪 鳳爪顏色富光澤，醬汁濃而帶點辣，非常惹味。南瓜黑流沙包南瓜黑流沙包造型十分可愛，輕輕咬開，香滑的芝麻餡還是水汪汪的，芝麻餡香氣撲鼻，幼滑細緻。香不辣牛展上枱時，香氣撲鼻，陣陣的辣油香已令我流哂口水，看起來很辣，但意想不到的是一點都不辣，而且香口十足，越食越想食，停不了口。二哥黑叉燒/湯米叉燒用上西班牙豚肉做成，色澤誘人，厚度適中。入口肉味香濃，肉質鬆軟，有咬口。椰汁桂花糕入口滿是椰香味，而又不會蓋過清甜的桂花香，口感香滑清涼，甜而不膩。

星期日同屋企人和朋友食飯，每個星期日都在尖沙咀食午餐，食到有啲厭，無意中發現這間食肆，平時都無留意到，今日在厚福街抬頭見到舖頭的招牌，膽粗粗叫埋屋企人一齊試新舖！可能係樓上舖，加上這區實在太多食肆，所以不算多人，我們大約1:45pm去到，即刻有位，環境不算大，大枱只有兩三枱，其餘都係4-6人枱，整潔衛生不錯，職員安排位置後當然要睇下食咩，這時段主要是點心、炒粉麵飯，點菜其間，職員走過來溫馨提示，2:00pm係下午茶時間（入座計），不過都可以比我們做下午茶價錢，下午茶所有點心$20，蝦蛟$26、燒賣$26，仲有張每月激安優惠，炒粉麵飯半價，超抵食👍😍點心最欣賞係個蝦蛟🦐，勁大粒，好足料，職員話，全部點心係自家製，不是工場機器做，好足料，正😋最後埋單除返開大約$50/位，職員仲話，電話📞book位仲有9折，下次book咗位先上去😬

好耐無約好姊妹食飯，今日相約尖咀想食點心，來了這家。平日愛打卡的我見到咁靚既點心當然吾會錯過下午點半至兩點既時間，吾算太多人可以好好。尼到有幾款點心都可以叫兩粒，所以可以食多幾款野尼到服務態度好好，ORDER速度又好快，吾洗5分鐘全部到齊晒茶位$8最期待食尼款《金龜叉燒包》$27除左可愛之外，菠蘿皮夠鬆化香口，叉燒夠嫩，外脆內嫩口感豐富外表趣味十足之後叫左個《銀蘿脆皮腸份》$27粉皮夠薄夾住似炸兩，但再有一堆蘿蔔絲，食落不會油膩更帶出多層口感又係必點之選。《寶貝鴿》原先$68搞推廣$38 當然要試試乳鴿炸得皮好脆，肉夠入味，兩下子就食晒正《野菌金魚餃》$27 健康可愛之餘，非常足料入面有蘿蔔絲、香菇、等素食，外形成條金魚，不過唯一係皮太厚。《蟹籽燒賣皇》$20可以單叫兩粒，每粒都超大粒，肉夠嫩連住蝦好彈牙《上海小籠包》$18又係每粒大大件，湯包夠熱夠湯汁，可惜皮又厚小小。整體味道是不錯《水晶蝦餃》$20又係超大粒，蝦仁夠大同爽口，水晶皮夠滑。最後叫左個《龍蝦湯番茄浸白菜苗》$52湯夠鮮甜，菜夠新鮮，唯一係龍蝦味不夠重。整體食物不錯，環境舒適，上菜夠快，價錢實惠，和朋友飲茶好去處

今日同媽媽嚟到尖沙咀行街 就嚟住去飲茶 經過厚福街 見到滿軒做緊特價 於是我地就上左去試下😊餐廳裝修簡潔俐落 吾似傳統酒樓有著華麗的吊燈 枱同枱之間都好闊落 我同媽媽都坐得舒適我地今日1點半嚟到 都有吾少客人係度飲緊茶今次我地就叫左點心 所有點心都係熱辣辣 新鮮出爐 蝦兵蟹將餃 蝦肉彈牙爽口 而且仲好大粒 餃皮厚薄適中 鳳爪好入口 竹炭流沙包一入咬去就有滿滿的流沙餡 好好味😋 芝士蝦春卷都係有好多蝦肉 炸到脆卜卜 但略嫌有點乾 有醬汁附上會更好😊潮州粉果大大粒 好飽滿 入面調味啱啱好 有好多沙葛 好足料😛呢度無蝦腸粉 但係有夾住蝦春卷的腸粉 脆口好味呢個價錢係尖沙咀絕對抵食！ 亦且全部點心都係本地製作 食物好精緻 推介俾各位點心愛好者🤗😋

燒汁菌皇雞柳烏冬，原價$118，午市半價$59，上枱時原來是用原煲上，非常熱乎乎，材料有香菇、雞肶菇、葱、紅蘿蔔、雞絲等…烏冬非常彈牙，用豉油皇炒色澤和香味入味又不太鹹好味。這是每月激安價，要食就快去試下好食又抵食。脆皮一口豆腐$45，細細粒一口一粒，外脆內嫩豆腐滑嘟嘟，加上鋪上一些炸過蒜蓉，一口一粒可以食不停。龍皇鮮竹卷(大點)$27，不同平時酒樓做法，是有龍蝦湯浸住鮮竹卷，不油仲好鮮甜，饀又豐富又美味。太極馬拉糕(特點)$31，馬拉糕食得多都是第一次食到太極樣十分神似，應該是師傅用心做，甜度適中不會太甜，但有一些鬆散。上海小籠包(2個)$18，可以夾上來搖晃都不會穿，熱騰騰要小心食、小籠包內有很多汁，這個下次來要再叫。椰汁桂花糕(中點)$23，本來我們已食得好飽，但都係食埋個甜品才走，就order左個椰汁🥥桂花糕，果然有驚喜，放在匙上還可以震震下，好香桂花味，加上椰汁好滑超好食。如果有朋友仔行過尖沙咀個邊就要去試下啦！新派粵式茶樓點心都好多選擇。👍👍😋