Video
Read full review
2015-03-19
3344 views
友人都算喺甜品迷，一直話好想試HeSheEat，所以，專燈搵咗小弟茶聚吓之餘，想向我討教一下食甜品之道。哎呀，討教就實在言重，叫比一般人多機會食得多啲甜品，又好有興趣整吓咁，當喺大家彼此切磋吓啦 ！HeSheEat位處銅鑼灣地帶商場一角，個商場又好似九曲十三彎咁，搵咗陣兜兜吓先搵到 ，不過，個位置又幾好，落地大玻璃，對住樓下大街。而店家裝修偏向簡約，水泥地，雲石枱配木櫈，不過，有兩組「馬蹄位」就稍嫌掗拃 。之前已聽友人介紹過，銅鑼灣店唔單止賣甜品，連其他鹹點、主食都有，如意粉、意大利飯、三文治、沙律、全日早午餐及小食都一一有提供，雖然每個類別款式唔多，不過，基本作為一份正餐已好足夠 。由於今次跟友人嚟茶聚，所以，都只喺點個沙律，再嚐嚐甜品，一邊呷着咖啡，一邊聊天談談軼事。 帶子青蘋果沙律（SL02）$88 嚴格嚟講，個沙律無正式名稱，餐牌只列有成份：帶子、青蘋果、焦糖合桃、蜜糖芥末醬。沙律菜非常新鮮爽脆，四圍加上青蘋果薄片，酸香清爽，一切已拌上蜜糖芥末醬，簡單味美 ；而焦糖合桃好香脆，富果仁香，加埋肉厚鮮甜嘅帶子粒，值得俾高分嘅一道沙律 。 綠茶心太軟（P02）$
HeSheEat位處銅鑼灣地帶商場一角，個商場又好似九曲十三彎咁，搵咗陣兜兜吓先搵到 ，不過，個位置又幾好，落地大玻璃，對住樓下大街。而店家裝修偏向簡約，水泥地，雲石枱配木櫈，不過，有兩組「馬蹄位」就稍嫌掗拃 。
之前已聽友人介紹過，銅鑼灣店唔單止賣甜品，連其他鹹點、主食都有，如意粉、意大利飯、三文治、沙律、全日早午餐及小食都一一有提供，雖然每個類別款式唔多，不過，基本作為一份正餐已好足夠 。
由於今次跟友人嚟茶聚，所以，都只喺點個沙律，再嚐嚐甜品，一邊呷着咖啡，一邊聊天談談軼事。
帶子青蘋果沙律（SL02）$88 嚴格嚟講，個沙律無正式名稱，餐牌只列有成份：帶子、青蘋果、焦糖合桃、蜜糖芥末醬。沙律菜非常新鮮爽脆，四圍加上青蘋果薄片，酸香清爽，一切已拌上蜜糖芥末醬，簡單味美 ；而焦糖合桃好香脆，富果仁香，加埋肉厚鮮甜嘅帶子粒，值得俾高分嘅一道沙律 。
帶子青蘋果沙律
$88
59 views
0 likes
0 comments
抹茶迷嘅友人開宗明義，多多少少都為綠茶心太軟而嚟，所以，成為是晚必試嘅甜品之一。從餐牌所見，已知道心太軟會伴有開心果碎及豆腐雪糕，然而，最欣賞喺用上一隻和風味重嘅瓷碟嚟襯番個綠茶心太軟。心太軟外觀其實有點巌巉，頂位亦都有啲凹，流心算唔上澎湃，但都達至流心效果，而綠茶味無庸置疑好濃郁，外殼薄，帶微脆 ；而豆腐雪糕，我覺得喺改咗雲呢嗱，因為完全無豆腐味 ，不過，仍然軟滑，至於底下嘅金寶粒及開心果仁碎，令整道甜品添幾分唔同嘅口感。
綠茶心太軟
$59
54 views
1 likes
0 comments
櫻花草莓奶凍（E03）$52 除草莓奶凍，內裡仲有草莓醬、蛋白脆脆及草莓雪糕，一層又一層嘅組合，如「櫻花」色澤。最底下嘅奶凍做得不俗，挺身而軟滑，配合埋士多啤梨醬，入口更鮮活香甜 ；再一層「馬令」蛋白脆脆及粗麥餅碎，增添層次感，味道亦再豐富咁，最上嘅士多啤梨雪糕球，酸酸甜甜正好中和一下馬令嘅甜度 。
櫻花草莓奶凍
$52
73 views
0 likes
0 comments
鮮奶咖啡 $30 友人要咗杯抹茶鮮奶，感覺只喺中規中矩。小弟一向愛好鮮奶咖啡配甜品，拉花比較化，唔夠清晰，但味道不俗，醇香幼滑！
鮮奶咖啡
$30
23 views
0 likes
0 comments
Post
