Fun Fun 串串鍋 (Closed)

早排唔小心使大左，又好想狂食，無意中見到呢間餐廳啲價錢真係超吸引！晚市最貴都係158一份咋，而且仲要係任食，真係好抵食！啲醬料有好多配料，基本上你想要既都會有！食物都有好多選擇，我個人最鍾意帝皇蟹柳，真係超級大條！平時去食火鍋都只係得細細條，呢到一條抵人地三條🤣我地叫左一個麻辣中辣湯底同埋椰子雞湯，麻辣都真係偏辣，我地一家都係超鍾意食辣，但都比個湯底辣親，建議想食辣既大家可以叫細平時一個辣度，咁就啱啱好！但係個麻辣都真係超級惹味！我地一邊叫好辣一邊又食到停唔到🤣尤其是淥粉絲時佢索晒啲湯底個陣，諗起都流晒口水🤤🤤🤤食品櫃都好多選擇！甜品方面啲雪糕都係任食唔嬲！