川霸王 (Closed)

呢間小店之前同朋友食完，一直都記住佢嘅魚香茄子飯（真係好食，其他餐廳食唔到呢個味道），但今次再嚟發現轉咗餐牌，於是試下新菜式水煮系列。霸王粉麵 $58可以自由配搭粉麵同配料，唔食得辣嘅我唯有食清湯，配料揀咗金菇、油麥菜、墨魚丸配米線，除咗粉麵外，記得要加$15轉套餐，包飲品同一個小食，好抵食！我揀咗玫瑰茉莉茶，唔甜但會帶有花香味，好清香，小食就揀咗雞絲粉皮，呢個雞絲粉皮配花生醬，味道偏重，配米線都幾夾！馳名水煮鮮牛肉（小辣） $61雖然揀咗小辣，但其實唔辣，建議平時食開辣嘅話可以揀中辣或者大辣，牛肉份量多，餸飯剛剛好！另外轉套餐配孜然雞翼同鐵觀音。味道唔係一試難忘果種，但勝在性價比高，糧尾首選餐廳，有主食、小食同飲品，人均都唔洗$80！