Video
Read full review
2024-12-01
0 views
如題，終於係香港食到一間合格嘅鰻魚飯。係諗唔到食咩嘅時候，突然醒起見過社交平台廣告見過有新鰻魚專門店開幕。其實近幾年都有鰻魚專門店開幕，定價都唔平，自己忍痛去試完都係失望而回。因為一樣有兩大缺點：有泥味同切骨做得唔好。講返四代目菊川，本著最多都係試伏嘅心態去試，去到先發現原來仲係試業中，仲有好多日本師傅係現場，心諗應該現階段質素有最低保證。但接近400一個set，都係先叫一份試一下，加多個小食睇下情況。先上嘅小食係鰻骨仙貝，未食已經見到吸油紙上面嘅油跡，一食就一口油味，本身有落好少鹽調味，但炸得唔夠乾身，同年頭係福岡一間鰻魚專門店食嘅有啲差距。之後到招牌一本鰻三食，先夾一件鰻魚入口，就知道可以放心再叫多一份食，最後點多一份一本鰻魚飯。未食前打咭已經見到油光閃亮，食落口有輕微焦香，切骨亦做得接近日本食嘅質素，食完成餐全程唔使吐一條骨刺出黎。另一個香港鰻魚店嘅通病泥味亦都非常唔明顯，已經感到非常欣慰。以後係香港鰻魚癮發作都有地方可以食（希望到時有位）。唯一係如果飲完啖可爾必思後再食鰻魚，果少少泥味就會若隱若現咁出返黎。驚喜位係鰻魚肝湯，個鰻魚肝無論size定味道都係食過咁多間中最大同最高質
係諗唔到食咩嘅時候，突然醒起見過社交平台廣告見過有新鰻魚專門店開幕。其實近幾年都有鰻魚專門店開幕，定價都唔平，自己忍痛去試完都係失望而回。因為一樣有兩大缺點：有泥味同切骨做得唔好。
講返四代目菊川，本著最多都係試伏嘅心態去試，去到先發現原來仲係試業中，仲有好多日本師傅係現場，心諗應該現階段質素有最低保證。
但接近400一個set，都係先叫一份試一下，加多個小食睇下情況。先上嘅小食係鰻骨仙貝，未食已經見到吸油紙上面嘅油跡，一食就一口油味，本身有落好少鹽調味，但炸得唔夠乾身，同年頭係福岡一間鰻魚專門店食嘅有啲差距。
之後到招牌一本鰻三食，先夾一件鰻魚入口，就知道可以放心再叫多一份食，最後點多一份一本鰻魚飯。
未食前打咭已經見到油光閃亮，食落口有輕微焦香，切骨亦做得接近日本食嘅質素，食完成餐全程唔使吐一條骨刺出黎。另一個香港鰻魚店嘅通病泥味亦都非常唔明顯，已經感到非常欣慰。以後係香港鰻魚癮發作都有地方可以食（希望到時有位）。唯一係如果飲完啖可爾必思後再食鰻魚，果少少泥味就會若隱若現咁出返黎。
驚喜位係鰻魚肝湯，個鰻魚肝無論size定味道都係食過咁多間中最大同最高質。比係日本名古屋啲老店嘅更出色。一咬落去，一股屬於肝臟嘅高雅油脂香味係口腔中漫延，同細滑嘅口感相得益彰。可惜當晚鰻肝小吃已經一早賣晒，如果唔係會毫不猶豫咁加點。
至於甜品，就無咩可以講，呢間係鰻魚專門店，都係專心食鰻魚好了。
始終都係試業期間，有好多地方都可以改善。比如員工唔熟流程，未收碟就上套餐、上完三食無講解點樣三食法（好彩係日本食過）、點飯時可以選少飯、正常定多飯，但醬汁偏少，食完反映時先講檯面上有樽鰻汁可以自行添加，但店員一開始無介紹檯面上啲山椒粉、七咪粉同鰻汁，以為樽鰻汁係點店內刺身用的刺身豉油。
同埋鰻汁我想食熱辣辣係飯面上果啲，後加始終無咁香，既然有得揀多飯少飯，希望以後有多汁少汁揀。
希望以後係香港開嘅鰻魚專門店，最起碼都有同樣質素。宜家四代目菊川，暫時係我心目中香港No.1鰻魚飯。
鰻骨仙貝
0 views
0 likes
0 comments
一本鰻三食
0 views
0 likes
0 comments
一本鰻魚飯
0 views
0 likes
0 comments
日式蕨餅
0 views
0 likes
0 comments
Post
