Video
Read full review
2023-01-29
275 views
最近周年紀念，就去揀一間海景西餐Chill下，上網搵到呢間Harbourside Grill價錢合理，而且可以睇到滿滿的海景，就訂咗室外座位。環境超靚，八點左右仲可以睇到成個幻彩詠香江，睇晒兔年嘅新年燈飾，打卡一流！嚟到揀咗一份Tasting Menu，另外加多份生蠔同埋意大利飯。FINE DE CLAIRE OYSTERS pickled cucumber, granita gin法國紛迪加蠔 配醃青瓜及氈酒沙冰呢款蠔唔係大隻，但係幾清新，特別加上醃青瓜及氈酒沙冰，柚子等等，令到整個菜式更加refresh，亦同時保留蠔嘅鮮味。FOIE GRASchicken terrine, poached pear, gingerbread法式鴨肝雞肉水煮梨凍肉醬 配薑餅法式鴨肝雞肉凍肉醬鹹香十足，有充足嘅大粒鹽，加上鴨肝肉本身會比較油膩，加咗啲硬淨少少嘅雞肉就中和左口感，配搭香脆薑餅鹹香又開胃；旁邊亦都有梨，減少膩感。SEARED SEA BASScrushed potatoes, lobster bisque鱸魚配薯蓉及法式龍蝦湯我最鍾意佢個法式龍蝦湯，非常Creamy又香濃，另外表面亦都有剛
環境超靚，八點左右仲可以睇到成個幻彩詠香江，睇晒兔年嘅新年燈飾，打卡一流！
嚟到揀咗一份Tasting Menu，另外加多份生蠔同埋意大利飯。
FINE DE CLAIRE OYSTERS pickled cucumber, granita gin
法國紛迪加蠔 配醃青瓜及氈酒沙冰
呢款蠔唔係大隻，但係幾清新，特別加上醃青瓜及氈酒沙冰，柚子等等，令到整個菜式更加refresh，亦同時保留蠔嘅鮮味。
FOIE GRAS
chicken terrine, poached pear, gingerbread
法式鴨肝雞肉水煮梨凍肉醬 配薑餅
法式鴨肝雞肉凍肉醬鹹香十足，有充足嘅大粒鹽，加上鴨肝肉本身會比較油膩，加咗啲硬淨少少嘅雞肉就中和左口感，配搭香脆薑餅鹹香又開胃；旁邊亦都有梨，減少膩感。
SEARED SEA BASS
crushed potatoes, lobster bisque
鱸魚配薯蓉及法式龍蝦湯
我最鍾意佢個法式龍蝦湯，非常Creamy又香濃，另外表面亦都有剛剛好熟的龍蝦肉。除此以外，鱸魚香滑加上底部的薯蓉，一次過滿足湯品及魚的要求。
ANGUS BEEF FILLET
buttered spinach, braised beef cheek, truffle sauce
安格斯牛柳 配奶油菠菜、燉牛頰肉及松露醬
表面有好軟熟嘅燉牛頰肉，非常入味，另外中間有安格斯牛柳，牛香十足；底部就有奶油菠菜，質感除咗滑味道亦香濃。旁邊有個正方形嘅原來係整得表面香脆嘅薯仔，令成件事更有層次。
APPLE TARTE TATIN
crème fraîche, salted caramel sauce
反烤蘋果撻 配酸奶油及焦糖醬
蘋果批非常香甜，仲有焦糖醬嘅香氣令味道更提升。而且批邊及批底非常香脆，仲有個酸奶又可以中和味道，唔建議落太多。已經好好食了！
單點系列如下：
法國紛迪加蠔(6隻)配醃青瓜配氈酒冰沙 $268
蠔鍾意嘅可以單點叫多幾隻，鮮味又開胃。
野生菌菇松露意大利飯 配熟成巴馬臣芝士及火箭菜 $238
呢款意大利飯表面仲有松露片，能提升香氣，滿滿的火箭菜及巴馬臣芝士，鹹香十足，亦有多款野生菇菌，充滿水份彈性，飯粒粒粒飽滿，大滿足！
附送麵包可以添加
其他環境及門面
Post
