幸圓

Open Now

Now Closed

想同約會對象食晚餐約會又唔失禮人，推介呢間鰂魚涌嘅幸圓。佢哋主打西日式料理，餐廳裝潢日式悠閒風，保證你坐得舒服，食得開心。推介畀大家以下幾款熱門料理。赤蝦他他·魚子醬·蝦汁意大利粉意粉已經索晒啲蝦汁，仲有赤蝦鮮甜多肉，再配埋魚子醬微微嘅鹹味，簡直係奢華嘅配搭！缺點就係太細碟，我同女朋友都食唔夠。烤香茅椰青西班牙五花肉西班牙五花肉本身就有豐富嘅油花，再經過燒烤後油花溶化，令肉質更鮮嫩多汁！仲有香茅同椰青嘅味道令呢盤菜味道更加豐富。魚蝦蟹好多士魚、蝦、蟹三種海鮮夾喺烤得酥脆嘅多士入面，外表金黃酥脆但咬落去又十分柔軟！呢道菜可以一次滿足鍾意食海鮮嘅朋友。Americano Orange美式咖啡同橙嘅碰撞！美式咖啡本身嘅苦澀味因為橙嘅酸甜味沖淡咗唔少，味道十分清新！燒酒糟鮑魚鮑魚肉質肥美仲帶住淡淡嘅酒糟香味，咬落去仲好有韌性，口感一流！Matcha passion fruit 睇落就好清爽嘅一杯飲品！日本宇治抹茶嘅微苦配搭咗百香果甜甘嘅味道，甜而不膩，好飲。