春嬌越南河

Open Now

Now Closed

希雲街至加路連山道個邊超多小店, 係銅鑼灣做野既話就中意係個邊搵食, 一來多選擇, 二來價錢係同區中比較相宜, 所以中午食飯時間總係爆哂棚! 今日我醒呀, 早D出去食飯, 目標係依間新開既春嬌, 12點半就到, 1個人唔洗等位, 係得哩個位既餐廳面積都唔會好大, 但依度既裝修設計就好突出啦, 滕造既吊燈, 牆上既斗笠, 裝飾等都充滿越南風情, 最重要當然係乾淨企理啦!餐廳用手機QR CODE落單, 餐具暫時都係用獨立包裝, 疫情下比較衛生食得安心。🚆春嬌火車頭湯粉 $68每到一間新越南餐廳,第一次 唔洗諗一定係叫火車頭, 夠大堆頭又可以試到湯頭既美味。火車頭既餸有牛丸, 生牛肉, 腩片同埋魚肚, 面頭有洋蔥, 蔥花同埋炸蒜, 自行加埋青檸汁同辣椒, 先試一啖湯, 夠熱, 清澈唔油膩, 帶有牛骨熬煮而成既香甜, 再加上金不換既清香, 湯頭出色。配料方面, 牛丸最驚喜, 質感彈牙實在, 味道香濃! 而生牛肉又厚又多, 魚肚大大件好滑溜, 吸收埋湯頭既鮮味更加好食!我仲另外加左隻太陽蛋, 仲要係燶邊架, 正呀~☕越南咖啡越南咖啡精粹在於以煉奶沖製, 甜度較高, 但越南咖啡個種濃香既味道加